OnePlus करणार टॅबलेट सेगमेंटमध्ये प्रवेश? ‘OnePlus Pad’ येऊ शकतो लवकरच बाजारात 

OnePlus Pad tablet: OnePlus ने EUIPO कडे OnePlus Pad टॅबलेटचे ट्रेडमार्क रजिस्टर केले आहे. अ‍ॅप्पल, सॅमसंग आणि शाओमीप्रमाणे वनप्लस देखील टॅबलेट सेगमेंटमध्ये हात आजमावण्याची योजना बनवत आहे.

प्रीमियम स्मार्टफोननंतर आता वनप्लस टॅबलेट सेगमेंट प्रवेश करण्याची तयारी करत आहे. वनप्लसने युरोपीयन यूनियन इंटलेक्चुअल प्रॉपर्टी ऑफिस (EUIPO) मध्ये कंपनीच्या आगामी टॅबलेटच्या ट्रेडमार्कची नोंदणी केली आहे. कंपनीने ‘OnePlus Pad’ नावाने टॅबलेटसाठी ट्रेडमार्क रजिस्टर केला आहे. टिपस्टर मुकुल शर्माने सर्वप्रथम या ट्रेडमार्कची माहिती दिली आहे.  (OnePlus working on a new tablet company registers the OnePlus Pad in Europe)

When every brand is planning on launching tablets, let's One Plus the list.
OnePlus files the trademark for OnePlus Pad at the EUIPO.
Feel free to retweet.#OnePlus#OnePlusPadpic.twitter.com/b9e06EudWA

— Mukul Sharma (@stufflistings) July 5, 2021

OnePlus ने EUIPO कडे OnePlus Pad टॅबलेटचे ट्रेडमार्क रजिस्टर केले आहे. या ट्रेडमार्क व्यतिरिक्त वनप्लस टॅबलेटची इतर माहिती उपलब्ध झालेली नाही. अ‍ॅप्पल, सॅमसंग आणि शाओमीप्रमाणे वनप्लस देखील टॅबलेट सेगमेंटमध्ये हात आजमावण्याची योजना बनवत आहे. कालच बातमी आली होती कि वनप्लस आपला आगामी मिड रेंज स्मार्टफोन OnePlus Nord 2 जुलैच्या शेवटी लाँच करू शकते.  

OnePlus Nord 2 चे संभाव्य स्पेसिफिकेशन्स    

याआधी आलेल्या वनप्लस नॉर्ड 2 संबंधित लिक्सनुसार, Nord 2 मध्ये Dimensity 1200 चिपसेट आणि 12GB पर्यंत रॅम मिळेल. या फोन मध्ये 6.43-इंचाचा Full HD+ AMOLED डिस्प्ले असेल, हा डिस्प्ले 90hz रिफ्रेश रेट आणि इन-डिस्प्ले फिंगरप्रिंट सेन्सरला सपोर्ट करू शकतो. वनप्लसच्या या फोनमध्ये  MediaTek Dimensity 1200 प्रोसेसर आणि 8GB RAM असेल.     

OnePlus Nord 2 मध्ये ट्रिपल रियर कॅमेरा सेटअप मिळण्याची शक्यता आहे. यात मेन कॅमेरा 50MP चा असू शकतो. सोबत 8MP आणि 2MP चा अजून दोन सेन्सर असतील. फोनमध्ये 32MP चा सेल्फी कॅमेरा मिळू शकतो. OnePlus Nord 2 मध्ये 4500mAh ची बॅटरी असू शकते, ही बॅटरी 30W किंवा 65W फास्ट चार्जिंगला सपोर्ट करेल. वनप्लस नॉर्ड 2 ची किंमत 22500 रुपये असू शकते, अशी माहिती लीकमधून समोर आली आहे.