OPPO A54 च्या किंमतीत मोठी कपात; 5000mAh बॅटरी आणि 6GB RAM साठी मोजावे लागणार फक्त इतके हजार
By सिद्धेश जाधव | Published: January 7, 2022 04:58 PM2022-01-07T16:58:18+5:302022-01-07T16:58:54+5:30
OPPO A54 स्मार्टफोनचा 4GB रॅम आणि 64GB स्टोरेज असलेला व्हेरिएंट प्राईस कट नंतर 13,990 रुपयांमध्ये विकत घेता येईल. याआधी या फोनची किंमत 14,990 रुपये होती.
OPPO A54 च्या किंमतीत मोठी कपात; 5000mAh बॅटरी आणि 6GB RAM साठी मोजावे लागणार फक्त इतके हजार
Next Oppo नं नवीन वर्षाची सुरुवात भारतीयांना खुशखबर देऊन केली आहे. कंपनीनं आपल्या लोकप्रिय OPPO A54 ची किंमत कायमस्वरूपी कमी केली आहे. गेल्यावर्षी एप्रिलमध्ये आलेला हा स्मार्टफोन 1000 रुपयांनी स्वस्त झाला आहे. कंपनीनं या फोनच्या तिन्ही स्टोरेज व्हेरिएंटच्या किंमतीत कपात केली आहे. चला जाणून घेऊया नवीन किंमत.
OPPO A54 ची किंमत
- OPPO A54 4GB/64GB: 13,990 रुपये
- OPPO A54 4GB/128GB: 14,990 रुपये
- OPPO A54 6GB/128GB: 15,990 रुपये
OPPO A54 स्मार्टफोन आजपासून या किंमतीत विकत घेता येईल.
OPPO A54 चे स्पेसिफिकेशन्स
OPPO A54 मध्ये 6.51 इंचाचा एचडी+ डिस्प्ले देण्यात आला आहे. हा फोन आयपीएक्स4 रेटेड आहे, त्यामुळे याचे पाण्यापासून संरक्षण होते. या फोनमध्ये कंपनीने मीडियाटेकचा हीलियो पी35 चिपसेट आणि आयएमजी जी8320 जीपीयू दिला आहे. ओपो ए54 अँड्रॉइड 10 आधारित कलरओएस 7 वर चालतो.
या फोनमधील ट्रिपल रियर कॅमेरा सेटअपमध्ये 13 मेगापिक्सलचा मुख्य सेन्सर, 2 मेगापिक्सलचा मॅक्रो सेंसर आणि 2 मेगापिक्सलची बोका लेंस मिळते. सेल्फी आणि व्हिडीओ कॉलिंगसाठी या फोनमध्ये 16 मेगापिक्सलचा फ्रंट कॅमेरा मिळतो. या फोनमधील 5000mAh ची बॅटरी 18वॉट फास्ट चार्जिंगला सपोर्ट करते.
हे देखील वाचा:
काय सांगता! 6000 रुपयांच्या आत मिळतायत दमदार Branded Smartphone; पाहा यादी
फास्ट नव्हे सुपरफास्ट चार्जिंग स्पीडसह 2 दमदार फोन येणार पुढील आठवड्यात; जाणून घ्या वैशिष्ट्ये