Oppo A54s स्मार्टफोनची किंमत झाली लीक; लाँच होण्याआधीच रॅम, स्टोरेज आणि कलर व्हेरिएंट्सचा खुलासा
By सिद्धेश जाधव | Published: October 8, 2021 12:36 PM2021-10-08T12:36:38+5:302021-10-08T12:36:55+5:30
Budget Android Phone Oppo A54s Price In India: Oppo A54s कंपनीचा आगामी बजेट स्मार्टफोन आहे, जो लवकरच भारतासह जागतिक बाजारात सादर केला जाऊ शकतो.
Oppo A54s स्मार्टफोनची किंमत झाली लीक; लाँच होण्याआधीच रॅम, स्टोरेज आणि कलर व्हेरिएंट्सचा खुलासा
Next ओप्पोने गेल्या आठवड्यात आपला एक बजेट स्मार्टफोन A-Series अंतर्गत सादर केला होता. हा फोन Oppo A55 नावाने भारतात सादर करण्यात आला आहे. आता कंपनी या सीरिजमधील अजून एका स्मार्टफोनवर काम करत असल्याची बातमी आली आहे. एका मीडिया रिपोर्टमधून आगामी Oppo A54s स्मार्टफोनच्या किंमत, रॅम, स्टोरेज आणि कलर व्हेरिएंटची माहिती लीक झाली आहे.
ओप्पोने अधिकृतपणे Oppo A54s ची कोणतीही माहिती दिली नाही. परंतु MySmartPrice आणि टिपस्टर सुधांशुने या आगामी ओप्पो फोनच्या किंमतीची माहिती शेयर केली आहे. त्याचबरोबर सुधांशुने या फोनच्या स्टोरेज आणि कलर ऑप्शनचा खुलासा देखील केला आहे. हा स्मार्टफोन Oppo A54 स्मार्टफोनचा अपग्रेड म्हणून बाजारात दाखल होईल.
Oppo A54s ची संभाव्य किंमत
लीकमधून Oppo A54s स्मार्टफोनच्या एकाच व्हेरिएंटची किंमत समजली आहे. या मॉडेलमध्ये 4GB रॅम आणि 128GB स्टोरेज दिली जाऊ शकते. या फोनची किंमत 200 यूरो ते 250 यूरो दरम्यान असू शकते. म्हणजे हा फोन 17,000 ते 21,000 भारतीय रुपयांच्या बजेटमध्ये सादर केला जाऊ शकतो. ही युरोपियन बाजारातील किंमत आहे, भारतात हा फोन 15 हजार रुपयांच्या आत सादर केला जाऊ शकतो. तसेच हा फोन पर्ल ब्लू आणि क्रिस्टल ब्लॅक अशा दोन कलर ऑप्शनसह खरेदी करता येईल.
हा फोन जागतिक बाजारात किंवा भारतात कधी लाँच होईल याची माहिती मात्र अजून समजली नाही. तसेच या फोनचे स्पेसिफिकेशन्स आणि फीचर्स देखील अजून लीक झाले नाहीत. एवढे मात्र निश्चित आहे कि आगामी Oppo A54s स्मार्टफोन Oppo A54 चा अपग्रेड असेल.