ओप्पोने सादर केला बजेट फ्रेंडली 5G Phone; 5000mAh च्या दमदार बॅटरीसह OPPO A56 लाँच
By सिद्धेश जाधव | Published: October 26, 2021 12:36 PM2021-10-26T12:36:21+5:302021-10-26T12:36:29+5:30
New 5G Phone Oppo A56 5G Launch Price Details: Oppo A56 5G स्मार्टफोन 11GB RAM, 5000mAh बॅटरी आणि Mideatek Dimensity 700 प्रोसेसरसह चीनमध्ये सादर करण्यात आला आहे.
ओप्पोने सादर केला बजेट फ्रेंडली 5G Phone; 5000mAh च्या दमदार बॅटरीसह OPPO A56 लाँच
Next चिनी स्मार्टफोन निर्माता कंपनी ओप्पोने आपल्या गृह मार्केट चीनमध्ये नवीन Budget 5G Phone सादर केला आहे. हा फोन कंपनीच्या ए सीरिज अंतर्गत OPPO A56 5G नावाने सादर करण्यात आला आहे. लवकरच हा फोन भारतासह जागतिक बाजारात देखील पाऊल टाकू शकतो. चला जाणून घेऊया मिडरेंज OPPO A56 5G ची किंमत आणि स्पेसिफिकेशन्स.
OPPO A56 5G ची किंमत
चीनमध्ये Oppo A56 5G चा एकच व्हेरिएंट उपलब्ध झाला आहे. ज्यात 6GB RAM आणि 128GB इंटरनल स्टोरेज देण्यात आली आहे. या फोनची किंमत 1,599 युआन इतकी ठेवण्यात आली आहे. ही किंमत 18,800 भारतीय रुपयांच्या आसपास रूपांतरित होते. हा फोन ब्लॅक, पर्पल आणि ब्लु रंगात विकत घेता येईल.
Oppo A56 5G चे स्पेसिफिकेशन्स
Oppo A56 5G चे स्पेसिफिकेशन पाहता, कंपनीने यात 6.5 इंचाचा एलसीडी डिस्प्ले दिला आहे. या फोनच्या प्रोसेसिंगसाठी ओप्पोने मीडियाटेक डिमेन्सिटी 700 प्रोसेसरचा वापर केला आहे. हा एक ड्युअल बँड 5जी सपोर्टेड चिपसेट आहे. त्याचबरोबर डिवाइसमध्ये 6GB रॅम + 5GB एक्सटेंडेड रॅम मिळतो. तसेच 128GB ची एक्सपांडेबल स्टोरेज देखील देण्यात आली आहे. डिवाइस अँड्रॉइड 11-आधारित ColorOS 11.1 वर चालतो.
फोटोग्राफीसाठी OPPO A56 5G मध्ये ड्युअल रियर कॅमेरा सेटअप देण्यात आला आहे. यात 13-मेगापिक्सलचा मुख्य कॅमेरा आणि 2-मेगापिक्सलचा डेप्थ सेन्सर मिळतो. सेल्फी आणि व्हिडीओ कॉलिंगसाठी या फोनच्या फ्रंटला 8 मेगापिक्सलचा फ्रंट कॅमेरा आहे. बेसिक कनेक्टिव्हिटी फीचर्ससह या 5G Oppo Phone मध्ये NFC सपोर्ट मिळतो. सिक्योरिटीसाठी या फोनमध्ये पॉवर बटनमध्ये साइड-माउंटेड फिंगरप्रिंट स्कॅनर दिला आहे. पॉवर बॅकअपसाठी यात 5000mAh ची बॅटरी देण्यात आली आहे.