जबरदस्त डिजाईनसह येतोय OPPO A95; लाँच होण्याआधी रेंडर झाले लीक
By सिद्धेश जाधव | Published: November 3, 2021 03:59 PM2021-11-03T15:59:51+5:302021-11-03T15:59:58+5:30
Oppo A95 Design And Details: OPPO A95 स्मार्टफोन एका पंच होल डिस्प्लेसह सादर करण्यात येईल. प्रोमो इमेजमधून या स्मार्टफोनच्या Snapdragon चिपसेट, 8GB RAM आणि 128GB इंटरनल स्टोरेजची माहिती मिळाली आहे.
जबरदस्त डिजाईनसह येतोय OPPO A95; लाँच होण्याआधी रेंडर झाले लीक
Next ओप्पोचा नवीन स्मार्टफोन OPPO A95 4G नावाने लवकरच बाजारात येऊ शकतो, याची माहिती काही दिवसांपूर्वी Geekbench वरून मिळाली होती. या लीकमधून आगामी ओप्पो फोनचे स्पेसिफिकेशन्स देखील समोर आले होते. सर्वप्रथम हा फोन जागतिक बाजारात सादर केला जाईल. आता 91mobiles ने आगामी OPPO A95 स्मार्टफोनचे रेंडर आणि प्रोमो इमेज शेयर केली आहे. या लीकमधून या मोबाईलच्या डिजाइनची माहिती मिळाली आहे.
OPPO A95 ची डिजाईन
OPPO A95 स्मार्टफोन एका पंच होल डिस्प्लेसह सादर करण्यात येईल. या फोनच्या बॅक पॅनलवर ग्लो डिजाइन आणि रेक्टेंगुलर कॅमेरा मॉड्यूल असेल. ज्यात 48 मेगापिक्सलच्या मुख्य कॅमेऱ्यासह ट्रिपल रियर कॅमेरा सेटअप दिला जाईल. OPPO A95 स्मार्टफोन ग्लोइंग स्टारी ब्लॅक आणि रेनबो सिल्वर अशा दोन कलरमध्ये उपलब्ध होईल.
OPPO A95 स्पेसिफिकेशन्स
प्रोमो इमेजमधून या स्मार्टफोनच्या Snapdragon चिपसेट, 8GB RAM आणि 128GB इंटरनल स्टोरेजची माहिती मिळाली आहे. त्याचबरोबर 5GB पर्यंतचा एक्सटेंडेड रॅम मिळेल. म्हणजे या फोनमध्ये एकूण 13GB रॅम मिळू शकतो. Oppo A95 स्मार्टफोनमध्ये 5,000mAh ची बॅटरी आणि 33W फ्लॅश चार्जिंग मिळेल.
OPPO A95 मध्ये 6.43-इंचाचा फुलएचडी+ AMOLED डिस्प्ले देण्यात येईल. जो 90Hz रिफ्रेश रेटला सपोर्ट करेल. ओप्पोचा हा फोन Android 11 वर आधारित ColorOS 11 वर चालतो. यात Andreno 610 GPU आणि 3.5mm हेडफोन जॅक देखील मिळेल.