OPPO ची कमाल! 64MP कॅमेरा आणि 65W फास्ट चार्जिंगसह आला Oppo Find X5 Lite; इतकी आहे किंमत 

OPPO Find X5 Lite स्मार्टफोन जागतिक बाजारात MediaTek Dimensity 900 प्रोसेसर, 8GB रॅम, 65W फास्ट चार्जिंग आणि 64MP कॅमेऱ्यासह आला आहे.  

Oppo नेनं आपली नवीन फ्लॅगशिप Oppo Find X5 सीरीज काल जागतिक बाजारात उतरवली आहे. या सीरिजमध्ये दोन महागड्या फोन्ससह कंपनीनं किफायतशीर OPPO Find X5 Lite देखील उतरवला आहे. यात MediaTek Dimensity 900 प्रोसेसर, 8GB RAM, 65W फास्ट चार्जिंग आणि 64MP कॅमेरा असे फीचर्स मिळतात. 

OPPO Find X5 Lite ची वैशिष्ट्ये  

OPPO Find X5 Lite मध्ये 6.43 इंचाचा फुलएचडी+ डिस्प्ले देण्यात आला आहे. हा अ‍ॅमोलेड पॅनल 90हर्ट्ज रिफ्रेश रेट आणि 180हर्ट्ज टच सॅम्पलिंग रेटला सपोर्ट करतो. याला कॉर्निंग गोरिल्ला 5 ची सुरक्षा आहे. OPPO Find X5 Lite अँड्रॉइड 11 आधारित कलरओएस 12 वर चालतो. या मोबाईलला मीडियाटेक डिमेन्सिटी 900 चिपसेटची प्रोसेसिंग पॉवर मिळते. सोबत एआरएम माली जी68 जीपीयू देण्यात आला आहे. फोन 8 जीबी रॅम आणि 256 जीबी स्टोरेजला सपोर्ट करतो.  

OPPO Find X5 Lite स्मार्टफोन 32 मेगापिक्सलच्या सोनी आयएमएक्स709 सेल्फी सेन्सरसह लाँच झाला आहे. फोनमधील ट्रिपल रियर कॅमेरा सेटअपमध्ये 64 मेगापिक्सलचा प्रायमरी सेन्सर आहे. त्याचबरोबर 8 मेगापिक्सलची वाईड अँगल लेन्स आणि 2 मेगापिक्सलची मॅक्रो लेन्स मिळते. बेसिक कनेक्टिव्हिटीसह यात इन-डिस्प्ले फिंगरप्रिंट सेन्सर आणि फेस अनलॉक फिचर देण्यात आलं आहे. पॉवर बॅकअपसाठी हा ओप्पो फोन 4,500एमएएचच्या मोठ्या बॅटरीला सपोर्ट करतो. ही बॅटरी 65वॉट फास्ट चार्जिंगच्या मदतीने काही मिनिटांत चार्ज करता येईल.    

OPPO Find X5 Lite ची किंमत 

OPPO Find X5 Lite स्मार्टफोनच्या एकमेव 8GB रॅम आणि 256GB स्टोरेज मॉडेलची युरोपियन बाजारातील किंमत 480 यूरो आहे. ही किंमत सुमारे 40,600 भारतीय रुपयांमध्ये रूपांतरित होते. ओप्पोचा हा स्मार्टफोन दोन कलर स्टारी ब्लॅक आणि स्टारट्रेल्स ब्लू कलरमध्ये विकत घेता येईल.  

हे देखील वाचा:

• अत्यंत स्वस्तात Samsung स्मार्टफोनची एंट्री; 1TB स्टोरेज सपोर्टसह चीनी कंपन्यांची उडवणार झोप
• 8GB RAM आणि अवाढव्य बॅटरी; 11 इंचाच्या Oppo Pad ची किंमत पाहून नाचू लागतील फॅन्स
• Xiaomi चा मेगा इव्हेंट! 108MP कॅमेरा असलेला स्वस्त Redmi Smartphone घेणार शानदार एंट्री