8000mAh च्या अवाढव्य बॅटरीसह OPPO Tablet येऊ शकतो बाजारात; जाणून घ्या वैशिष्ट्ये  

Oppo Tablet Price And Details: Oppo लवकरच आपला आगामी अँड्रॉइड टॅबलेट Oppo Pad नावाने सादर करू शकते. हा टॅबलेट शाओमीच्या मी पॅड 5 सीरिजला थेट टक्कर देऊ शकतो.

अँड्रॉइड टॅबलेट सेगमेंटमध्ये रेलचेल वाढू लागली आहे. याआधी दुर्लक्ष करणाऱ्या टेक कंपन्यांनी देखील टॅबलेट लाँच केले आहेत, तर काही लाँच करणार आहेत. यात Oppo चा देखील समावेश आहे. Oppo Tablet ची माहिती गेल्या अनेक दिवसांपासून येत आहे. हा टॅब 2022 च्या पूर्वार्धात ग्राहकांच्या भेटीला येऊ शकतो. आता एका टिपस्टरने Oppo Pad चे काही स्पेसिफिकेशन्स शेयर केले आहेत.  

लीकमध्ये आगामी ओप्पो टॅबलेटच्या तीन महत्वाच्या स्पेसिफिकेशन्सची माहिती मिळाली आहे. हे स्पेक्स समोर आल्यावर कंपनी Xiaomi च्या Mi Pad 5 series मधील टॅबना टक्कर देणार हे स्पष्ट दिसत आहे.  

Oppo Pad चे लीक स्पेसिफिकेशन्स 

चिनी टिपस्टर Digital Chat Station ने ओप्पो पॅडची माहिती दिली आहे. त्यानुसार हा टॅब 11 इंचाच्या मोठ्या डिस्प्लेसह बाजारात येऊ शकतो. हा एक 2K+ (2560×1600 पिक्सल) रिजोल्यूशन असलेला शानदार डिस्प्ले असेल. जो 120Hz रिफ्रेश रेटला सपोर्ट करेल, त्यामुळे डिस्प्ले स्मूद आणि शानदार अनुभव देईल.  

प्रोसेसिंगसाठी या टॅबलेटमध्ये क्वॉलकॉमचा Snapdragon 870 चिपसेट दिला जाऊ शकतो. हा एक जुना परंतु फ्लॅगशिप लेव्हल चिपसेट आहे. पॉवर बॅकअपसाठी या डिवाइसमध्ये 8080mAh ची मोठी बॅटरी दिली देण्यात येईल. त्यामुळे बिंजे वॉचिंग, गेमिंग किंवा ऑनलाईन क्लासमध्ये लो बॅटरीचा अडथळा येणार नाही.