लाँचच्या पूर्वीच OPPO Reno 7, Reno 7Pro आणि Reno 7SE ची किंमत झाली लीक, लवकरच होणार बाजारात दाखल
By सिद्धेश जाधव | Published: November 2, 2021 07:41 PM2021-11-02T19:41:00+5:302021-11-02T19:41:37+5:30
Oppo Reno 7 Smartphone Price Leak: एका नवीन लीकमधून लाँचच्या उंबरठ्यावर असलेल्या Reno 7 series मधील स्मार्टफोन्सची किंमत समजली आहे. या सीरिजची किंमत 32 हजार रुपयांच्या आसपास सुरु होऊ शकते.
लाँचच्या पूर्वीच OPPO Reno 7, Reno 7Pro आणि Reno 7SE ची किंमत झाली लीक, लवकरच होणार बाजारात दाखल
Next ओप्पोची आगामी ‘रेनो 7 सीरीज’ गेले कित्येक दिवस चर्चेत आहे. लवकरच ही सीरिज सर्वप्रथम चीनमध्ये आणि त्यानंतर जगभरातील ग्राहकांच्या भेटीला येणार आहे. या सीरीज अंतगर्त OPPO Reno 7, OPPO Reno 7 Pro आणि OPPO Reno 7 SE असे स्मार्टफोन येतील, असे रिपोर्ट्समधून समोर आले आहे. तसेच आता एका नवीन लीकमधून लाँचच्या उंबरठ्यावर असलेल्या Reno 7 series मधील स्मार्टफोन्सची किंमत समजली आहे.
OPPO Reno 7 series Price
OPPO Reno 7 SE चे देखील दोन मॉडेल लाँच केले जातील. या फोनच्या बेस व्हेरिएंटमध्ये 8GB RAM आणि 128GB इंटरनल स्टोरेज मिळेल, ज्याची किंमत 2,699 युआन (सुमारे 31,600 रुपये) असेल. तर फोनच्या 12GB RAM आणि 256GB स्टोरेज व्हेरिएंटसाठी 2,999 युआन (सुमारे 35,000 रुपये) द्यावे लागतील.
सीरिजमधील बेसिक OPPO Reno 7 स्मार्टफोनचे दोन व्हेरिएंट्स बाजारात येतील. यातील छोटा मॉडेल 8GB RAM आणि 128GB इंटरनल स्टोरेजसह लाँच होईल, ज्याची किंमत 3,499 युआन (सुमारे 41,000 रुपये) असेल. तर या फोनचा 12GB RAM आणि 256GB स्टोरेज असलेला मॉडेल 3,999 युआन (सुमारे 46,800 रुपये) मध्ये खरेदीसाठी उपलब्ध होईल.
OPPO Reno 7 Pro चे तीन व्हेरिएंट्स सादर केले जातील. ज्यात 8GB RAM आणि 256GB स्टोरेज असलेला मॉडेल 4,299 युआन(सुमारे 50,300 रुपये) मध्ये बाजारात येईल. तर 12GB RAM आणि 256GB स्टोरेज व्हेरिएंटसाठी 4,799 युआन (सुमारे 56,200 रुपये) आणि 12GB RAM सह 512GB स्टोरेज असेलल्या मॉडेलची किंमत 5,299 युआन (सुमारे 62,000 रुपये) असेल.
OPPO Reno 7 सीरिजचे लीक स्पेक्सची माहिती मिळवण्यासाठी इथे क्लीक करा.