सिंगल चार्जवर तीन महिने चालणार हा फोन! फक्त 7,499 रुपयांमध्ये मिळतेय 6GB RAM ची ताकद

By सिद्धेश जाधव | Published: February 21, 2022 02:55 PM2022-02-21T14:55:13+5:302022-02-21T14:55:27+5:30

Tecno Spark 8C स्मार्टफोन भारतात 90Hz रिफ्रेश रेट, 5000mAh Battery आणि 13MP Camera सह लाँच झाला आहे. कंपनीनं याची किंमत 8 हजारांच्या आत ठेवली आहे.

Phone Under 8000 rs TECNO SPARK 8C launched in India know Price Specifications | सिंगल चार्जवर तीन महिने चालणार हा फोन! फक्त 7,499 रुपयांमध्ये मिळतेय 6GB RAM ची ताकद — सिंगल चार्जवर तीन महिने चालणार हा फोन! फक्त 7,499 रुपयांमध्ये मिळतेय 6GB RAM ची ताकद

Tecno नं यावर्षीची दणक्यात सुरुवात केली आहे. कंपनीनं भारतात Tecno Pop 5 LTE, Tecno Pop 5 Pro आणि Tecno Pova Neo असे तीन फोन सादर केले आहेत. यात आता बजेट फ्रेंडली Tecno Spark 8C ची भर टाकण्यात आली आहे. टेक्नो स्पार्क 8सी देशात फक्त 7,499 रुपयांमध्ये लाँच केला गेला आहे. एवढ्या कमी किंमतीत देखील कंपनीनं 90Hz रिफ्रेश रेट, 5000mAh Battery आणि 13MP Camera दिला आहे.

Tecno Spark 8C

Tecno Spark 8C स्मार्टफोन अँड्रॉइड 11 आधारित हायओएस 7.6 वर चालतो. प्रोसेसिंगसाठी या फोनमध्ये ऑक्टाकोर प्रोसेसरसह UNISOC T606 चिपसेट देण्यात आला आहे. कंपनीनं यातील 3 जीबी रॅमसह 3 जीबी मेमरी फ्यूजन फीचर दिलं आहे. त्यामुळे गरज पडल्यास एकूण 6 जीबी रॅम वापरता येतो. सोबत असलेली 64 जीबी इंटरनल स्टोरेज देखील मायक्रोएसडी कार्डच्या मदतीनं 256 जीबी पर्यंत वाढवता येते.

या फोनमध्ये 6.6 इंचाचा एचडी+ डिस्प्ले देण्यात आला आहे. जो 90 हर्ट्ज रिफ्रेश रेट आणि 180 हर्ट्ज टच सॅम्पलिंग रेटला सपोर्ट करतो. फोटोग्राफीसाठी टेक्नो स्पार्क 8सी स्मार्टफोन ड्युअल रियर कॅमेऱ्याला सपोर्ट करतो. ज्यात एलईडी फ्लॅश, 13 मेगापिक्सलचा प्रायमरी सेन्सर आणि एक एआय सेन्सर मिळतो. फ्रंट पॅनलवर फ्लॅशसह 8 मेगापिक्सलचा सेल्फी शुटर देण्यात आला आहे.

ड्युअल सिम Tecno Spark 8C मध्ये बेसिक कनेक्टिव्हिटी फीचर्स मिळतात. तसेच फिंगरप्रिंट सेन्सरच्या सुरक्षेसह फेस अनलॉक फीचर देखील देण्यात आलं आहे. यातील IPX2 रेटिंग या फोनला पाण्याच्या शिंतोड्यांपासून वाचवते. तसेच पावर बॅकअपसाठी या टेक्नो मोबाईल 5,000एमएएचची मोठी बॅटरी देण्यात आली आहे. जी सिंगल चार्जमध्ये 89 दिवसांचा स्टँडबाय टाइम देईल, असा दावा कंपनीनं केला आहे.

Tecno Spark 8C ची किंमत

Tecno Spark 8C चा एकमेव 3 जीबी रॅम आणि 64 जीबी इंटरनल स्टोरेज असलेला मॉडेल 7,499 रुपयांमध्ये लाँच झाला आहे. हा फोन अ‍ॅमेझॉन इंडियावरून Magnet Black, Iris Purple, Diamond Grey आणि Turquoise Cyan कलरमध्ये विकत घेता येईल.

हे देखील वाचा:

Web Title: Phone Under 8000 rs TECNO SPARK 8C launched in India know Price Specifications

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

टॅग्स :