6GB रॅम आणि 6000mAh बॅटरी असलेला Poco M3 महागला, जाणून घ्या नवीन किंमत
By सिद्धेश जाधव | Published: July 16, 2021 06:20 PM2021-07-16T18:20:17+5:302021-07-16T18:21:44+5:30
Poco M3 Price Increased: Poco M3 स्मार्टफोनची किंमत कंपनीने 500 रुपयांनी वाढवली आहे. त्यामुळे Poco M3 चा 6GB रॅम आणि 64GB स्टोरेज व्हेरिएंट आता 11,499 रुपयांमध्ये विकत घेता येईल.
6GB रॅम आणि 6000mAh बॅटरी असलेला Poco M3 महागला, जाणून घ्या नवीन किंमत
गेले काही दिवस स्मार्टफोन कंपन्या आपल्या लो आणि मिड बजेट स्मार्टफोन्सच्या किंमती वाढवत आहेत. Xiaomi, Oppo आणि Samsung नंतर आता Poco ने देखील आपल्या बजेट स्मार्टफोन Poco M3 ची किंमत वाढवली आहे. Poco M3 स्मार्टफोन यावर्षीच्या सुरुवातीला भारतात लाँच करण्यात आला होता. कोरोना महामारीचा परिणाम जागतिक स्मार्टफोन बाजारावर झाला आहे. स्मार्टफोन बनवण्यासाठी लागणाऱ्या कंपोनंटची कमतरता आहे. यामुळे स्मार्टफोन्सच्या किंमती वाढवल्या जात आहेत.
Poco M3 ची नवीन किंमत
Poco M3 स्मार्टफोनची किंमत कंपनीने 500 रुपयांनी वाढवली आहे. त्यामुळे Poco M3 चा 6GB रॅम आणि 64GB स्टोरेज व्हेरिएंट आता 11,499 रुपयांमध्ये विकत घेता येईल. हा व्हेरिएंट भारतात 10,999 रुपयांमध्ये सादर करण्यात आला होता. तर या स्मार्टफोनचा 6GB रॅम आणि 128GB स्टोरेज व्हेरिएंट आता 11,999 ऐवजी 12,499 रुपयांमध्ये विकत घेता येईल.
Poco M3 चे स्पेसिफिकेशन्स
POCO M3 मध्ये 6.53 इंचाचा फुलएचडी+ आयपीएस एलसीडी डिस्प्ले देण्यात आला आहे. हा पोको फोन क्वालकॉम स्नॅपड्रॅगन 662 प्रोसेसरवर चालतो. POCO M3 स्मार्टफोन Android 10 ओएसवर आधारित मीयुआय 12 सह येतो. POCO M3 मध्ये ट्रिपल रियर कॅमेरा देण्यात आला आहे. यात 48MP मुख्य कॅमेरा, 2 MP चा डेप्थ आणि 2 MP चा मॅक्रो सेन्सर आहे. हा फोन 8MP फ्रंट कॅमेऱ्याला सपोर्ट करतो. पावर बॅकअपसाठी POCO M3 स्मार्टफोनमध्ये 6,000mAh ची मोठी बॅटरी देण्यात आली आहे, जी 18W फास्ट चार्जिंगला सपोर्ट करते.
