28 जुलैला येणार दमदार Poco X3 GT; मिड रेंजमध्ये मिळणार धमाकेदार स्पेसिफिकेशन्स
By सिद्धेश जाधव | Published: July 19, 2021 05:39 PM2021-07-19T17:39:39+5:302021-07-19T17:40:13+5:30
Poco X3 GT launch: POCO X3 GT स्मार्टफोन 28 जुलैला मालिशियामध्ये लाँच केला जाईल. हा फोन Redmi Note 10 Pro 5G चा रीब्रँडेड व्हर्जन असू शकतो.
28 जुलैला येणार दमदार Poco X3 GT; मिड रेंजमध्ये मिळणार धमाकेदार स्पेसिफिकेशन्स
Next स्मार्टफोन निर्माता कंपनी पोको सध्या चर्चेत आहे. कंपनी 23 जुलैला POCO F3 GT भारतात सादर करणार आहे. आता कंपनी अजून एक GT ब्रँडचा नवीन फोन POCO X3 GT लाँच करणार. पोको मलेशियामध्ये हा फोन 28 जुलैला सादर करणार आहे. लाँच होण्याआधीच पोको एक्स3 जीटीची किंमत आणि स्पेसिफिकेशन लीक झाले आहेत. पोको एक्स3 जीटी हा स्मार्टफोन चीनमध्ये लाँच झालेल्या Redmi Note 10 Pro 5G चा रिब्रँडेड व्हर्जन असेल, अशी चर्चा आहे.
Redmi Note 10 Pro 5G चे स्पेसिफिकेशन्स
चीनमध्ये लाँच झालेल्या रेडमी नोट 10 प्रो 5G मध्ये 6.6 इंचाचा फुल एचडी+ एलसीडी डिस्प्ले देण्यात आला आहे. हा डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो. या रेडमी स्मार्टफोनमध्ये ऑक्टा-कोर MediaTek Dimensity 1100 SoC आणि ARM G77 MC9 GPU देण्यात आला आहे. Note 10 Pro 5G स्मार्टफोन Android 11 आधारित MIUI 12.5 वर चालतो. हा फोन 8GB पर्यंतच्या रॅम आणि 256GB पर्यंतच्या स्टोरेजला सपोर्ट करतो.
Redmi Note 10 Pro 5G मध्ये एलईडी फ्लॅशसह ट्रिपल रियर कॅमेरा सेटअप देण्यात आला आहे. यात 64 मेगापिक्सलचा मुख्य कॅमेरा, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स देण्यात आली आहे. हा स्मार्टफोन 16 मेगापिक्सलच्या सेल्फी कॅमेऱ्याला सपोर्ट करतो. पावर बॅकअपसाठी Redmi Note 10 Pro 5G स्मार्टफोनमध्ये 5000mAh ची बॅटरी 67W फास्ट चार्जिंगसह देण्यात आली आहे.