भोंग्यांची गरज नाही! ‘हे’ स्वस्त स्पिकर्स देतील दणकट साऊंड; इतकी आहे किंमत  

Portronics चे नवीन साऊंडबार स्पिकर्स भारतात Portronics Pure Sound 103 नावानं सादर करण्यात आले आहेत.  

Portronics नं भारतात Pure Sound 103 चे साऊंडबार स्पिकर्स सबवुफरसह सादर केले आहेत. हे स्पिकर्स तुमच्या लिविंग रूममधेच थिएटर सारखा अनुभव देतील, असा दावा कंपनीनं केला आहे. हे स्पिकर्स 100W चं आउटपुट देतात, त्यामुळे घरच्या पार्टीची शान वाढवतील. चला जाणून घेऊया Portronics Pure Sound 103 ची किंमत आणि फीचर्स. 

स्पेसिफिकेशन्स  

हे स्पिकर्स होम थिएटर, पर्सनल म्यूजिक सिस्टम आणि पार्टी एंटरटेनरचं देखील काम करू शकतात. Pure Sound 103 स्पिकर्स डिटॅच करून दोन वेगवेगळे कॉम्पॅक्ट साऊंडबार बनवता येतात. कनेक्टिव्हिटीसाठी कंपनीनं यात ब्लूटुथ 5.0 दिलं आहे. तसेच यात USB मोड आणि ऑप्टिकल मोड कनेक्टिविटी देखील देण्यात आली आहे.  

या साऊंडबार स्पिकर्सचा 100 वॉट पावर आउटपुट घरातच सिनेमा हॉलचा अनुभव देऊ शकतो. सोबत कॉम्पॅक्ट आणि पावरफुल सबवूफर साऊंड देखील मिळतो. 2.1 चॅनेल सिस्टमच्या मदतीनं तुम्ही याचे ऑडियो मोड्स कंट्रोल करू शकता आणि तुमच्या आवश्यकतेनुसार म्युजिकचा आनंद घेऊ शकता.  

किंमत  

Portronics Pure Sound 103 ची भारतातील किंमत 5,999 रुपये ठेवण्यात आली आहे. कंपनी या स्पिकर्सवर एक वर्षाची वॉरंटी देत आहेत. तुम्ही हे स्पिकर्स Portronics.com, Amazon.in, आणि ऑफलाईन रिटेल स्टोर्सवरून विकत घेऊ शकता.