Realme X50 Pro 5G वर मिळत आहे 17 हजार रुपयांची सूट; जाणून घ्या संपूर्ण माहिती
By सिद्धेश जाधव | Published: June 5, 2021 01:23 PM2021-06-05T13:23:50+5:302021-06-05T13:24:28+5:30
Realme 3rd Anniversary Sale: Realme ला भारतात 3 वर्ष पूर्ण झाली आहेत त्यामुळे Flipkart वर 3rd Realme Anniversary sale सुरु आहे, या सेलमध्ये प्रीमियम स्मार्टफोन Realme X50 Pro 5G वर 17 हजार रुपयांची सूट मिळत आहे.
Realme X50 Pro 5G हा गेल्यावर्षी लाँच झालेला प्रीमियम फोन आहे.
Oppo चा सब-ब्रँड म्हणून भारतात प्रवेश करणाऱ्या Realme ला भारतात येऊन तीन वर्षे झाली आहेत. यानिमित्ताने कंपनीने रियलमीने ऑनलाइन शॉपिंग साइट Flipkart वर 3rd Realme Anniversary sale ची सुरुवात केली आहे. 4 ते 8 जून दरम्यान सुरु राहणाऱ्या या सेल मध्ये बजेट, मिड रेंज आणि प्रीमियम स्मार्टफोन्सवर डिस्काउंट आणि निरनिराळ्या ऑफर्स मिळत आहेत. या सेलमध्ये रियलमीच्या प्रीमियम स्मार्टफोन Realme X50 Pro 5G वर 17 हजार रुपयांची सूट मिळत आहे.
डिस्काउंटनंतर किंमत
रियलमी एक्स50 प्रो 5जीच्या 128 जीबी आणि 256 जीबी स्टोरेज व्हेरिएंटवर 17 हजार रुपयांची सूट मिळत आहे. या फोनचा 8जीबी रॅम आणि 128 जीबी स्टोरेज व्हेरिएंट 24,999 रुपयांमध्ये मिळत आहे, याची मूळ किंमत 41,999 रुपये आहे. त्याचप्रमाणे 47,999 रुपयांमध्ये मिळणारा 12 जीबी रॅम आणि 256 जीबी स्टोरेज व्हेरिएंट 17 हजार रुपयांच्या डिस्काउंटनंतर 30,999 रुपयांमध्ये विकत घेता येईल.
Realme X50 Pro 5G चे स्पेसिफिकेशन
Realme X50 Pro 5G हा गेल्यावर्षी लाँच झालेला प्रीमियम फोन आहे. या फोनमध्ये 6.44 इंचाचा सुपर AMOLED डिस्प्ले आहे, ज्याचा रिफ्रेश रेट 90Hz आहे. या फोनच्या स्क्रीनचे रिजोल्यूशन 1080x2400 पिक्सल आहे. अँड्रॉइड 10 सह लाँच झालेला फोन आता अँड्रॉइड 11 वर अपडेट झाला आहे. फोनमध्ये Qualcomm Snapdragon 865 प्रोसेसर आहे.
Realme X50 Pro 5G मध्ये मागे क्वॉड कॅमेरा सेटअप देण्यात आला आहे, यात मुख्य सेन्सर 64 मेगापिक्सलचा आहे. त्याचबरोबर 12 मेगापिक्सलची टेलिफोटो लेंस, 8 मेगापिक्सलची अल्ट्रावाइड लेंस आणि 2 मेगापिक्सलचा ब्लॅक अँड वाइट सेन्सर देण्यात आला आहे. सेल्फीसाठी यात डुअल फ्रंट कॅमेरा मिळतो, ज्यात मुख्य सेन्सर 32 मेगापिक्सलचा आहे. या फोनमध्ये 4200 mAh ची बॅटरी आहे, जी 65W फास्ट चार्जिंगला सपोर्ट करते.
