7 मार्चला लो बजेटमध्ये वादळ येणार; 5000mAh बॅटरी आणि शानदार कॅमेऱ्यासह Realme C35 घेणार एंट्री
By सिद्धेश जाधव | Published: March 5, 2022 01:28 PM2022-03-05T13:28:56+5:302022-03-05T13:29:04+5:30
Realme C35 India Launch: 7 मार्चला Realme C35 हा फोन 50MP कॅमेरा, 5,000mAh बॅटरी, 4GB रॅम आणि Unisoc T616 चिपसेटसह भारतीयांच्या भेटीला येईल.
7 मार्चला लो बजेटमध्ये वादळ येणार; 5000mAh बॅटरी आणि शानदार कॅमेऱ्यासह Realme C35 घेणार एंट्री
Next Realme लो बजेट सेगमेंटमध्ये रेडमीला चांगली टक्कर देण्याची तयारी करत आहे. यासाठी कंपनी आपल्या ‘C’ सीरीजमध्ये Realme C35 स्मार्टफोन सादर करणार आहे. याआधी हा मॉडेल थायलंडमध्ये उतरवण्यात आला आहे. कंपनीनं आपल्या अधीकृत साईटवरून भारतीय लाँचची माहिती दिली आहे. 7 मार्चला हा फोन 50MP कॅमेरा, 5,000mAh बॅटरी, 4GB रॅम आणि Unisoc T616 चिपसेटसह भारतीयांच्या भेटीला येईल. दुपारी 12:30 PM वाजता या लाँच इव्हेंटचं थेट प्रक्षेपण कंपनीच्या साईटवर करण्यात येईल.
Realme C35 चे स्पेसिफिकेशन्स
रियलमी सी35 स्मार्टफोनमधील 6.6 इंचाचा फुलएचडी+ वॉटर ड्रॉप डिस्प्ले 2408 x 1080 पिक्सल रिजोल्यूशनला सपोर्ट करतो. यात 600निट्स ब्राईटनेस आणि 180हर्ट्ज टच सॅम्पलिंग रेट देण्यात आला आहे. हा फोन अँड्रॉइड 11 बेस्ड रियलमी युआयच्या आर एडिशनवर चालतो. याला Unisoc T616 चिपसेटची प्रोसेसिंग पावर आणि एआरएम माली जी57 जीपीयू देण्यात आला आहे. सोबत 4GB RAM आणि 128GB पर्यंतची स्टोरेज मिळते.
फोटोग्राफीसाठी या रियलमी फोनमध्ये ट्रिपल रियर कॅमेरा सेटअप मिळतो. ज्यात एलईडी फ्लॅशसह 50 मेगापिक्सलचा प्रायमरी सेन्सर, एक मॅक्रो लेन्स आणि एक ब्लॅक अँड व्हाईट लेन्स देण्यात आली आहे. फोनमधील फ्रंट कॅमेरा 8 मेगापिक्सलचा आहे. बेसिक कनेक्टिव्हिटीसह यात सिक्योरिटीसाठी साईड फिंगरप्रिंट सेन्सर आणि फेस अनलॉक फिचर मिळतं. तर पावर बॅकअपसाठी 5,000एमएएचची बॅटरी 18वॉट फास्ट चार्जिंग टेक्नॉलॉजीसह देण्यात आली आहे.
Realme C35 की किंमत
थायलंडमध्ये रियलमी सी35 स्मार्टफोनच्या छोट्या 4 जीबी रॅम आणि 64 जीबी स्टोरेज असलेल्या व्हेरिएंटची किंमत 5,799 THB (13,300 रुपये) आहे. तर मोठ्या 4 जीबी रॅमसह 128 जीबी इंटरनल स्टोरेज मॉडेलसाठी 6,299 THB म्हणजे जवळपास 14,500 रुपये मोजावे लागतील. भारतीय किंमत मात्र यापेक्षा वेगळी असू शकते.
हे देखील वाचा:
- रेडमी-रियलमीला म्हणाल ‘चल...’! 7,000mAh बॅटरी आणि 6GB RAM सह ‘ही’ कंपनी आणतेय लो बजेट फोन
- लॅपटॉपवरही मिरवा Apple चा लोगो! 31 हजारांच्या जबरदस्त डिस्काउंटसह शक्तिशाली MacBook लॅपटॉप उपलब्ध
- Flipkart सेलची कृपा! फक्त 6 हजार रुपयांमध्ये Godrej चा फ्रिज, स्टॉक संपण्याआधीच करा बुक