12 हजारांच्या आत Realme चा 5000mAh बॅटरी असलेला फोन लाँच; असे आहेत भन्नाट Realme C35 चे स्पेसिफिकेशन्स 

Realme C35 Mobile: Realme C35 स्मार्टफोन कंपनीनं भारतात 50MP Camera, 5,000mAh battery, 4GB RAM आणि Unisoc T616 चिपसेटसह बजेटमध्ये सादर केला आहे.

Realme नं भारतातील लो बजेट सेगमेंटमध्ये आपला नवीन स्मार्टफोन सादर केला आहे. कंपनीनं Realme C35 सादर करून रेडमीच्या अडचणीत वाढ केली आहे. या फोनमध्ये 50MP Camera, 5,000mAh battery, 4GB RAM आणि Unisoc T616 चिपसेट, असे स्पेक्स देण्यात आले आहेत. रियलमीनं या नवीन मोबाईलची किंमत 11,999 रुपये ठेवली आहे.  

Realme C35 ची किंमत 

रियलमी सी35 स्मार्टफोनच्या बेस व्हेरिएंटमध्ये 4GB RAM आणि 64GB स्टोरेज मिळते, ज्याची किंमत 11,999 रुपये आहे. तर टॉप एन्ड व्हेरिएंटमध्ये 4GB RAM आणि 128GB स्टोरेज मिळते आणि कंपनीनं या मॉडेलची किंमत 12,999 रुपये ठेवली आहे. रियलमी सी35 येत्या 12 मार्चपासून शॉपिंग साईट फ्लिपकार्टवरून विकत घेता येईल. हा डिवाइस Glowing Green आणि Glowing Black कलरमध्ये विकत घेता येईल. 

Realme C35 चे स्पेसिफिकेशन्स  

रियलमी सी35 स्मार्टफोनमधील 6.6 इंचाचा फुलएचडी+ वॉटर ड्रॉप डिस्प्ले 2408 x 1080 पिक्सल रिजोल्यूशनला सपोर्ट करतो. यात 600निट्स ब्राईटनेस आणि 180हर्ट्ज टच सॅम्पलिंग रेट देण्यात आला आहे. फोटोग्राफीसाठी या रियलमी फोनमध्ये ट्रिपल रियर कॅमेरा सेटअप मिळतो. ज्यात एलईडी फ्लॅशसह 50 मेगापिक्सलचा प्रायमरी सेन्सर, एक मॅक्रो लेन्स आणि एक ब्लॅक अँड व्हाईट लेन्स देण्यात आली आहे. फोनमधील फ्रंट कॅमेरा 8 मेगापिक्सलचा आहे. 

हा फोन अँड्रॉइड 11 बेस्ड रियलमी युआयच्या आर एडिशनवर चालतो. याला Unisoc T616 चिपसेटची प्रोसेसिंग पावर आणि एआरएम माली जी57 जीपीयू देण्यात आला आहे. सोबत 4GB RAM आणि 128GB पर्यंतची स्टोरेज मिळते.बेसिक कनेक्टिव्हिटीसह यात सिक्योरिटीसाठी साईड फिंगरप्रिंट सेन्सर आणि फेस अनलॉक फिचर मिळतं. तर पावर बॅकअपसाठी 5,000एमएएचची बॅटरी 18वॉट फास्ट चार्जिंग टेक्नॉलॉजीसह देण्यात आली आहे. 

हे देखील वाचा:

• दमदार Realme 9 5G आणि Realme 9 5G SE स्मार्टफोन येतायत भारतात; या दिवशी होणार लाँच
• अँड्रॉइडचा बादशहा! Google Pixel 7 Pro चा फर्स्ट लुक आला समोर, स्पेसिफिकेशनही लीक
• WhatsApp वर ब्लॉक न करता लपवा तुमचा DP; नको असलेल्या लोकांना ठेवा Profile Photo पासून दूर