6000mAh असलेल्या Realme स्मार्टफोनवर मिळतोय बंपर डिस्काउंट; मर्यादित कालावधीसाठी ऑफर
By ऑनलाइन लोकमत | Published: January 7, 2022 05:45 PM2022-01-07T17:45:22+5:302022-01-07T17:45:42+5:30
Realme Narzo 50A: स्मार्टफोन ब्रँड Realme नं फ्लिपकार्ट 'बिग बचत धमाका' आणि 'मोबाईल बोनान्जा सेल' ची घोषणा केली आहे. हा सेल 7 जानेवारी ते 9 जानेवारी दरम्यान Flipkart वर सुरु राहील.
6000mAh असलेल्या Realme स्मार्टफोनवर मिळतोय बंपर डिस्काउंट; मर्यादित कालावधीसाठी ऑफर
Next जर तुम्ही एक मोठी बॅटरी असलेला स्मार्टफोन विकत घेण्याचा विचार करत असाल तर ही बातमी तुमच्यासाठीच आहे. स्मार्टफोन ब्रँड Realme नं फ्लिपकार्ट 'बिग बचत धमाका' आणि 'मोबाईल बोनान्जा सेल' ची घोषणा केली आहे. हा सेल 7 जानेवारी ते 9 जानेवारी दरम्यान Flipkart वर सुरु राहील. या सेलमध्ये रियलमीचे अनेक स्मार्टफोन्स स्वस्तात विकत घेता येतील. ज्यात 6000mAh बॅटरी असलेल्या Realme Narzo 50A चा देखील समावेश आहे.
Realme Narzo 50A वरील ऑफर
Realme च्या बचत धमाका सेलमध्ये Narzo 50A वर 1500 रुपयांचा डिस्काउंट दिला जात आहे. या सवलतीनंतर 4 जीबी रॅम आणि 64GB स्टोरेज व्हेरिएंटसाठी 11,499 रुपये द्यावे लागतील. तर 4 जीबी रॅम आणि 128GB स्टोरेज 12499 रुपयांमध्ये विकत घेता येईल. हा फोन विकत घेताना डेबिट किंवा क्रेडिट कार्डनं पेमेंट केल्यास 1,000 रुपयांची अतिरिक्त सूट मिळेल. तसेच फ्लिपकार्ट अ‍ॅक्सिस बँक कार्ड धारकांना 5% अनलिमिटेड कॅशबॅक देखील देण्यात येईल.
Realme Narzo 50A चे स्पेसिफिकेशन्स
Realme Narzo 50A मध्ये 6.5-इंचाचा HD+ डिस्प्ले देण्यात आला आहे. हा डिस्प्ले 720 x 1600 पिक्सल रेजोल्यूशन आणि 570nits ब्राईटनेसला सपोर्ट करतो. डिवाइसमध्ये MediaTek Helio G85 SoC सोबत माली-G52 GPU देण्यात आला आहे. हा फोन 4GB रॅम आणि 128GB पर्यंतच्या इंटरनल स्टोरेजसह विकत घेता येईल. ही स्टोरेज वाढवण्यासाठी मायक्रोएसडी कार्ड सपोर्ट देखील फोनमध्ये देण्यात आला आहे. हा फोन अँड्रॉइड 11 आधारित Realme UI 2.0 कस्टम स्किनवर चालेल.
Realme Narzo 50A मध्ये ट्रिपल रियर कॅमेरा सेटअप देण्यात आला आहे. यात पीडीएएफ आणि 10X डिजिटल झूमसह 50MP चा प्रायमरी सेन्सर, 2MP ची मॅक्रो लेन्स आणि 2MP ची B&W पोर्ट्रेट लेन्स देण्यात आली आहे. या रियलमी फोनच्या फ्रंटला 8MP चा सेल्फी कॅमेरा आहे. रियर फिंगरप्रिंट सेन्सरसह यात या फोनमध्ये 18W फास्ट-चार्जिंगला सपोर्टसह 6,000mAh ची बॅटरी देण्यात आली आहे.