Realme Narzo 50A ची डिजाईन लीक; प्रीमियम लुकसह सादर होऊ शकते बजेट सीरिज  

Realme Narzo 50A Render: 91मोबाईल्स आणि ऑनलिक्सने मिळून Realme Narzo 50A स्मार्टफोनची प्रेस रेंडर ईमेज शेयर केली आहे. या रेंडरमधून या स्मार्टफोनच्या लुक आणि डिजाईनचा खुलासा झाला आहे. 

Realme सध्या अनेक स्मार्टफोन्सवर काम करत आहे. यातील एक सीरिज म्हणजे Narzo 50 लाईनअप. चीनमध्ये 4 अंक अशुभ मानत असल्यामुळे कंपनी Narzo 30 नंतर 50 सीरिज सादर करू शकते. काही दिवसांपूर्वी Narzo 50A 4G नावाचा स्मार्टफोन भारत आणि थायलंडमध्ये सर्टिफाईड करण्यात आला होता. आता 91मोबाईल्स आणि ऑनलिक्सने मिळून Realme Narzo 50A स्मार्टफोनची प्रेस रेंडर ईमेज शेयर केली आहे. या रेंडरमधून या स्मार्टफोनच्या लुक आणि डिजाईनचा खुलासा झाला आहे. 

Realme Narzo 50A ची डिजाईन 

रियलमी नारजो 50ए च्या फोटोजवरून हा फोन प्रीमियम लूकसह सादर केला जाईल असे वाटत आहे. या फोनच्या बॅक पॅनलवर चौरसाकृती कॅमेरा सेटअप आहे. या सेटअपमध्ये एलईडी फ्लॅशसह तीन कॅमेरा सेन्सर्स देण्यात आले आहेत. कॅमेरा सेटअपच्या खाली नारजोची ब्रॅंडिंग दिसत आहे. बॅक पॅनलचा एक भागावर तिरक्या रेषा आहेत तर दुसरा भाग सपाट दिसत आहे.  

Realme Narzo 50A press Render

या स्मार्टफोनच्या फ्रंट पॅनलवर तीन कडा बेजल लेस डिजाईनसह सादर केला जाईल. फ्रंट पॅनलवरील ‘व्ही’ शेप नॉचमध्ये फ्रंट कॅमेरा दिला जाऊ शकतो. फोनच्या डाव्या पॅनलवर सिम स्लॉट, उजव्या पॅनलवर वॉल्यूम रॉकर आणि पावर बटण देण्यात आला आहे. तळाला 3.5एमएम जॅक, स्पिकर आणि यूएसबी टाईप सी पोर्ट मिळेल.  

Realme Narzo 50A चे स्पेसिफिकेशन्स 

अजूनतरी रियलमी नारजो 50ए स्मार्टफोन्सचे जास्त स्पेक्स समोर आले नाहीत. या फोनमध्ये 13 मेगापिक्सलचा मुख्य रियर कॅमेरा मिळू शकतो. तसेच फ्रंट पॅनलवरील सेल्फी कॅमेरा 8 मेगापिक्सलचा असू शकतो. इतर स्पेसिफिकेशन्स Realme Narzo 30A पेक्षा अपग्रेडेड असतील किंवा सामान असतील.