रेडमीवर घणाघाती वार! शानदार कॅमेरा आणि जबरदस्त बॅटरीसह Realme च्या सुंदर मोबाईलची एंट्री
By सिद्धेश जाधव | Published: April 25, 2022 03:24 PM2022-04-25T15:24:46+5:302022-04-25T15:25:49+5:30
रियलमी नारजो 50ए स्मार्टफोनमध्ये 50MP कॅमेरा, Unisoc T612 चिपसेट, 4GB आणि 5000mAh ची बॅटरी देण्यात आली आहे.
रेडमीवर घणाघाती वार! शानदार कॅमेरा आणि जबरदस्त बॅटरीसह Realme च्या सुंदर मोबाईलची एंट्री
Next रियलमीच्या Narzo 50 सीरीजमधील चौथा स्मार्टफोन भारतात आला आहे. Realme Narzo 50A Prime स्मार्टफोन देशात 50MP कॅमेरा, Unisoc T612 चिपसेट, 4GB आणि 5000mAh च्या बॅटरीसह उतरला आहे. विशेष म्हणजे हा सुंदर स्मार्टफोन याआधी जागतिक बाजारात लाँच झाला होता. गेल्या आठवड्यात कंपनीच्या वेबसाईटवर लिस्ट झालेला हा डिवाइस आता अधिकृतपणे लाँच करण्यात आला आहे.
Realme Narzo 50A Prime चे स्पेसिफिकेशन्स
या रियलमी फोनमध्ये 6.6 इंचाचा फुलएचडी+ आयपीएस एलसीडी डिस्प्ले मिळतो. जो 600निट्स पोक ब्राईटनेसला सपोर्ट करतो. कंपनीनं हा फोन अँड्रॉइड 11 ओएस बेस्ट रियलमी युआय आर एडिशनसह सादर केला आहे. यात ऑक्टाकोर प्रोसेसरसह Unisoc T612 चिपसेट देण्यात आला आहे. सोबत 4 जीबी रॅम आणि 128 जीबी पर्यांतची इंटरनल मेमरी मिळते.
फोटोग्राफीसाठी या फोनमध्ये ट्रिपल रियर कॅमेरा देण्यात आला आहे. ज्यात एलईडी फ्लॅशसह 50 मेगापिक्सलचा प्रायमरी सेन्सर, 2 मेगापिक्सलचा ब्लॅक अँड व्हाईड सेन्सर आणि 2 मेगापिक्सलची मॅक्रो लेन्स आहे. फ्रंटला 8 मेगापिक्सलचा सेन्सर आहे. बेसिक कनेक्टिव्हिटी फीचर्ससह सिक्योरिटीसाठी साईड फिंगरप्रिंट सेन्सर आहे. तर पावर बॅकअपसाठी 5,000एमएएच बॅटरी 18वॉट फास्ट चार्जिंगसह मिळते.
Realme Narzo 50A Prime किंमत
Realme Narzo 50A Prime स्मार्टफोनचे दोन व्हेरिएंट भारतीयांच्या भेटीला आले आहेत. यातील बेस व्हेरिएंट 4GB रॅम व 64GB स्टोरेजसह 11,499 रुपयांमध्ये विकत घेता येईल. तर 4GB रॅम आणि 128GB स्टोरेजची किंमत 12,499 रुपये ठेवण्यात आली आहे. हा स्मार्टफोन फ्लॅश ब्लॅक आणि फ्लॅश ब्लू कलरमध्ये कंपनीच्या अधिकृत वेबसाईट आणि अ‍ॅमेझॉनवरून 28 एप्रिलपासून विकत घेता येईल.