7500 रुपयांमध्ये घरी आणा Realme चा हा जबराट स्मार्टफोन; ईएमआय किंवा एक्सचेंज ऑफरविना मिळतेय सूट, 5 फेब्रुवारीपर्यंत ऑफर 

Budget Smartphone Realme Narzo 50i In Flipkart Sale: Realme Narzo 50i या फोनमध्ये 4GB RAM, 8MP कॅमेरा आणि 5000mAh ची बॅटरी देण्यात आली आहे.

Flipkart वर बिग बचत धमाल सेलची सुरुवात आजपासून झाली आहे. या सेलमध्ये स्मार्टफोन्स, स्मार्ट टीव्हीज आणि अन्य गॅजेट्सवर चांगल्या ऑफर्स मिळत आहेत. अशीच एक ऑफर Realme Narzo 50i स्मार्टफोनवर उपलब्ध आहेत. या फोनमध्ये 4GB RAM, 8MP कॅमेरा आणि 5000mAh ची बॅटरी देण्यात आली आहे. चला जाणून घेऊया फ्लिपकार्टवरील डील.  

Realme Narzo 50i च्या 2 जीबी रॅम आणि 32 जीबी इंटरनल स्टोरेज मॉडेलची मूळ किंमत 7,999 रुपये आहे. परंतु हा फोन या सेलमध्ये 500 रुपयांच्या सवलतीनंतर 7,499 रुपयांमध्ये विकत घेता येईल. फोन विकत घेताना फ्लिपकार्ट अ‍ॅक्सिस बँकेच्या क्रेडिट कार्डचा वापर केल्यास तुम्ही 5 टक्के अनलिमिटेड कॅशबॅक मिळवू शकता. तुमचा जुना फोन एक्सचेंज करून 6,950 रुपयांपर्यंतची बचत करण्याचा पर्याय देखील आहे.  

Realme Narzo 50i चे स्पेसिफिकेशन्स  

Realme Narzo 50i मध्ये 6.5-इंचाचा डिस्प्ले देण्यात आला आहे. डिवाइसमध्ये Unisoc 9863 चिपसेट प्रोसेसिंगचे काम करतो. फोनमध्ये 4GB पर्यंतचा RAM आणि 64GB पर्यंतची बिल्टइन स्टोरेज देण्यात आली आहे, जी मायक्रोएसडी कार्डने 256GB पर्यंत वाढवता येईल. हा फोन अँड्रॉइड 11 आधारित Realme UI Go एडिशन चालतो.   

फोटोग्राफीसाठी या फोनमध्ये 8-मेगापिक्सलचा एआय रियर कॅमेरा एलईडी फ्लॅशसह देण्यात आला आहे. तर या फोनच्या फ्रंटला 5-मेगापिक्सलचा एआय सेल्फी शुटर मिळतो. Realme Narzo 50i मध्ये 5,000mAh ची दमदार बॅटरी देण्यात आली आहे. ही बॅटरी 43 दिवसांचा स्टँडबाय टाइम देऊ शकते, असा दावा कंपनीने केला आहे.    

हे देखील वाचा:

• Oneplus Smart TV: भारतात येतायत OnePlus चे 4 Smart TV; कमी किंमतीत देऊ शकतात शाओमीला टक्कर
• हे आहेत 20 हजारांच्या आत येणारे बेस्ट स्मार्ट टीव्ही; Flipkart Sale मध्ये मिळतायत जबरदस्त ऑफर्स