ठरलं! रेडमीला अजून एक झटका देण्याची Realme ची तयारी, 20 एप्रिलला नव्या Smartphone चा लाँच
By सिद्धेश जाधव | Published: April 16, 2022 11:51 AM2022-04-16T11:51:33+5:302022-04-16T11:56:44+5:30
Realme आपले तीन नवीन स्मार्टफोन Realme Q5 सीरिज सादर करू शकते. आता यातील Realme Q5 Pro स्मार्टफोनची लाँच डेट समोर आली आहे.
ठरलं! रेडमीला अजून एक झटका देण्याची Realme ची तयारी, 20 एप्रिलला नव्या Smartphone चा लाँच
Next Realme अत्यंत वेगाने आपला स्मार्टफोन पोर्टफोलियो वाढवत आहे. आता कंपनीच्या नव्या सीरिजची माहिती समोर आली आहे. कंपनी आपल्या Realme Q सीरिजमध्ये Realme Q5, Realme Q5i आणि Realme Q5 Pro स्मार्टफोन लाँच करू शकते. यातील Realme Q5 Pro स्मार्टफोन चीनमध्ये 20 एप्रिलला लाँच होणार आहे, अशी माहिती कंपनीच्या सोशल मीडिया अकाऊंट्सवरून मिळाली आहे.
Realme Q5 Pro लिस्टिंग
Realme Q5 Pro स्मार्टफोन बेंचमार्किंग साईट गीकबेंचवर RMX3372 नंबरसह लिस्ट करण्यात आला होता. तसेच फोन सर्टिफिकेशन साईट 3C वर देखील दिसला होता. गिकबेंचच्या सिंगल कोर टेस्टमध्ये 1,003 पॉईंट्स आणि मल्टी कोर टेस्टमध्ये 3,153 पॉईंट्स या डिवाइसनं मिळवले आहेत. या लिस्टिंगमधून आणि काही मीडिया रिपोर्ट्समधून मोबाईलच्या स्पेसिफिकेशन्सचा खुलासा झाला आहे.
गिकबेंचच्या लिस्टिंगनुसार, Realme Q5 Pro हा स्मार्टफोन Android 12 वर चालेल. त्याचबरोबर फोनमध्ये 8GB रॅम दिला जाऊ शकतो. इथे हा फोन ‘Kona’ नावाच्या ऑक्टाकोर Qualcomm प्रोसेसरसह लिस्ट झाला आहे, जे Snapdragon 870 SoC चं कोडनेम आहे. 3C लिस्टिंगमधून स्मार्टफोनच्या 80W फास्ट चार्जिंगची माहिती मिळाली आहे.
मीडिया रिपोर्ट्सनुसार, Realme Q5 Pro स्मार्टफोनमध्ये 6.62-इंचाचा फुलएचडी+ (1,080×2,400 पिक्सल) OLED डिस्प्ले मिळेल. या फोनमध्ये 5000mAh ची बॅटरी मिळेल. Realme Q5 सीरीज गेल्यावर्षी आलेल्या Realme Q3 सीरीजची जागा घेईल. परंतु ही सीरिज भारतात लाँच केली जाईल की नाही हे मात्र इतक्यात सांगता येणार नाही.