16GB रॅमसह Redmi G 2021 गेमिंग लॅपटॉप लाँच; जाणून घ्या किंमत आणि वैशिष्ट्ये
By सिद्धेश जाधव | Published: September 22, 2021 03:37 PM2021-09-22T15:37:39+5:302021-09-22T15:37:49+5:30
Cheap Gaming Laptop Redmi G 2021 Price: शाओमीने Redmi G 2021 गेमिंग लॅपटॉप चीनमध्ये सादर केला आहे. हा लॅपटॉप दोन व्हेरिएंटसह बाजारात आला आहे.
16GB रॅमसह Redmi G 2021 गेमिंग लॅपटॉप लाँच; जाणून घ्या किंमत आणि वैशिष्ट्ये
Next Redmi ने आपला नवीन गेमिंग लॅपटॉप Redmi G 2021 चीनमध्ये सादर केला आहे. Intel आणि AMD अश्या दोन व्हेरिएंटसह हा लॅपटॉप बाजारात आला आहे. या दोन्ही व्हेरिएंटमध्ये 144Hz रिफ्रेश रेट असलेला डिस्प्ले, 16GB पर्यंतचा RAM आणि RTX 3060 ग्राफिक्स देण्यात आला आहे.
Redmi G 2021 गेमिंग लॅपटॉपचे स्पेसिफिकेशन्स
या रेडमी लॅपटॉपमध्ये 16.1-इंचाचा डिस्प्ले देण्यात आला आहे, जो 144Hz रिफ्रेश रेटला सपोर्ट करतो. लॅपटॉप Intel Core i5-11260H प्रोसेसर आणि AMD च्या Ryzen 7 5800 अश्या दोन प्रोसेसर व्हेरिएंटसह बाजारात आला आहे. हे दोन्ही व्हेरिएंट 16GB पर्यंतच्या RAM आणि 512GB स्टोरेजसह विकत घेता येतील. Windows 10 सह येणार हा लॅपटॉप लवकरच विंडोज 11 वर अपडेट करता येईल.
गेमिंग करताना लॅपटॉप गरम होऊ नये म्हणून रेडमी जी 2021 मध्ये Hurricane Heat Dissipation 3.0 सिस्टम देण्यात आली आहे. ही ड्युअल फॅन आणि चार आउटलेटसह लॅपटॉपमध्ये समाविष्ट करण्यात आली आहे. AMD व्हेरिएंटमध्ये देखील कॉपर लीट पाइप देण्यात आला आहे. Redmi G 2021 च्या इंटेल व्हेरिएंटमध्ये 180W चा पॉवर अडॅप्टर मिळतो, तर AMD मॉडेलसह 230W चा पॉवर अडॅप्टर देण्यात आला आहे. हा लॅपटॉप Wi-Fi 6, DTX: X Ultra Sound, बॅकलिट कीबोर्ड, Xiao AI स्मार्ट असिस्टंट, थंडरबोल्ट 4, USB-C आणि शाओमी गेम बॉक्स सपोर्टसह लाँच करण्यात आला आहे.
Redmi G 2021 ची किंमत
Redmi G 2021 चा AMD व्हेरिएंट 6,999 युआन (जवळपास 79,800 रुपये) मध्ये शाओमी मॉलवर 28 सप्टेंबरपासून विकत घेता येईल. तर इंटेल मॉडेल 5699 युआन (जवळपास 65,000 रुपये) मध्ये शाओमी मॉलवर 23 सप्टेंबरपासून उपलब्ध होईल. हा लॅपटॉप भारतासह जगभरात कधी उपल्बध होईल हे मात्र कंपनीने सांगितले नाही.