मुहूर्त ठरला! याच महिन्यात येतोय शानदार Redmi Note 11T 5G Phone भारतात; किंमत देखील आली समोर
By सिद्धेश जाधव | Published: November 15, 2021 07:02 PM2021-11-15T19:02:40+5:302021-11-15T19:04:27+5:30
Xiaomi Redmi Note 11T 5G India Launch Date and Price: Redmi Note 11T 5G Phone याच महिन्यात भारतीयांच्या भेटीला येणार असल्याची माहिती कंपनीने दिली आहे.
मुहूर्त ठरला! याच महिन्यात येतोय शानदार Redmi Note 11T 5G Phone भारतात; किंमत देखील आली समोर
Next शाओमी इंडियाने Redmi Note 11T 5G स्मार्टफोनच्या भारतीय लाँचची घोषणा केली आहे. हा फोन भारतात 30 नोव्हेंबरला लाँच केला जाणार आहे. याची माहिती कंपनीने आपल्या ट्विटर अकॉउंटवरून दिली आहे. आगामी रेडमी फोनसाठी एक मायक्रो साईट देखील लाईव्ह करण्यात आली आहे. विशेष म्हणजे हा चीनमध्ये आलेल्या Redmi Note 11 5G स्मार्टफोनचा रीब्रँड व्हर्जन असू शकतो. त्यामुळे या दोन्ही फोन्सच्या स्पेक्समध्ये जास्त अंतर दिसणार नाही. Redmi Note 11T 5G स्मार्टफोनच्या भारतीय लाँचसह या फोनची किंमत देखील समोर आली आहे.
Redmi Note 11T 5G चे स्पेसिफिकेशन्स
Redmi Note 11T 5G स्मार्टफोनमध्ये 6.6 इंचाचा डिस्प्ले देण्यात आला आहे. हा डिस्प्ले 90Hz रिफ्रेश रेटला सपोर्ट करतो. कंपनीने या स्मार्टफोनला MediaTek Dimensity 810 ची प्रोसेसिंग पॉवर दिली आहे. रेडमी नोट 11 स्मार्टफोनमध्ये 5000mAh ची बॅटरी आणि 33W फास्ट चार्जिंगला सपोर्ट देण्यात आला आहे. फोटोग्राफीसाठी यात 50MP चा प्रायमरी रियर कॅमेरा आणि 8MP चा डेप्थ सेन्सर आलेला रियर कॅमेरा सेटअप देण्यात आला आहे. सेल्फी आणि व्हिडियो कॉलिंगसाठी फोनमध्ये 16 मेगापिक्सलचा सेल्फी कॅमेरा मिळतो.
Redmi Note 11T 5G ची संभाव्य किंमत
मीडिया रिपोर्ट्सनुसार Redmi Note 11T 5G स्मार्टफोन भारतात 16,999 रुपयांमध्ये उपलब्ध होऊ शकतो. ही 6GB रॅम आणि 64GB स्टोरेज असलेल्या बेस व्हेरिएंटची किंमत असू शकते. या मोबाईलचे 6GB/128GB आणि 8GB/128GB स्टोरेज व्हेरिएंट अनुक्रमे 17,999 रुपये आणि 19,999 रुपयांमध्ये सादर केले जाऊ शकतात, अशी माहिती मनी कंट्रोलने दिली आहे.