किफायतशीर Redmi Watch 2 ची किंमत झाली लीक; Redmi Note 11 सोबत होऊ शकतो लाँच
By सिद्धेश जाधव | Published: October 25, 2021 06:48 PM2021-10-25T18:48:05+5:302021-10-25T18:48:14+5:30
Xiaomi Redmi Note 11 सीरिज सोबत कंपनी Redmi Watch 2 देखील लाँच करू शकते. हा स्मार्टवॉच चिनी ई-कॉमर्स साईटवर लिस्ट झाला आहे.
किफायतशीर Redmi Watch 2 ची किंमत झाली लीक; Redmi Note 11 सोबत होऊ शकतो लाँच
Next शाओमी येत्या 28 ऑक्टोबरला एका इव्हेंटचे आयोजन चीनमध्ये करणार आहे. या इव्हेंटमधून कंपनीनं Redmi Watch 2 स्माार्टवॉच आणि Redmi Note 11 असे दोन प्रॉडक्ट सादर करू शकते. यासाठी कंपनीने टीजर देखील शेयर केला आहे. आता लाँचपूर्वी रेडमी वॉच 2 स्मार्टवॉचची किंमत ई-कॉमर्स साइट JD.com वर दिसली आहे.
लाँच होण्याआधी Redmi Watch 2 टेक वेबसाईट GizmoChina ने JD.com वर स्पॉट केला आहे. या लिस्टिंगमधून आगामी स्मार्टवॉचची किंमत समोर आली आहे. या लिस्टिंगनुसार Redmi Watch 2 ची किंमत 399 युआन (सुमारे 4,600 रुपये) असेल. या किंमतीत लाँच झाल्यास हा स्मार्टवॉच एक किफायतशीर पर्याय ठरू शकतो.
Redmi Watch 2 चे स्पेक्स
रेडमी वॉच 2 मध्ये 1.6 इंचाचा डिस्प्ले दिला जाईल, हा डिस्प्ले जुन्या एडिशनच्या तुलनेत मोठा आहे. तसेच जुन्या LCD डिस्प्लेची जागा अ‍ॅमोलेड डिस्प्ले घेईल. त्यामुळे या स्मार्टवॉचची डिस्प्ले क्वॉलिटी मोठ्या प्रमाणावर अपग्रेड होईल. तसेच अ‍ॅमोलेडमुळे बॅटरी लाइफमध्ये देखील सुधारणा होऊ शकते.
आगामी रेडमी वॉचमध्ये बेजल खूप कमी असतील. JD.com वरून रेडमी वॉच 2 प्री-बुक करता येईल. यासाठी 50 युआन (सुमारे 600 रुपये) मोजावे लागतील. हा स्मार्टवॉच तीन वेगवेगळ्या रिस्ट कलर ऑप्शनसह लिस्ट करता येईल. ज्यात ब्लॅक, आयव्हरी आणि स्पेस ब्लू या रंगांचा समावेश असेल. इतर स्मार्टवॉच प्रमाणे यात हेल्थ फीचर्स देखील मिळतील.