अँड्रॉइडपेक्षा iPhone 12 मॉडेल स्वस्त; 22,000 रुपयांच्या डिस्काउंटसह खरेदी करण्याची सुवर्णसंधी
By ऑनलाइन लोकमत | Published: June 2, 2022 04:33 PM2022-06-02T16:33:38+5:302022-06-02T16:34:09+5:30
iPhone 12 mini फ्लिपकार्टवर 22400 रुपयांच्या डिस्काउंटसह लिस्ट करण्यात आला आहे.
अँड्रॉइडपेक्षा iPhone 12 मॉडेल स्वस्त; 22,000 रुपयांच्या डिस्काउंटसह खरेदी करण्याची सुवर्णसंधी
Next Apple ची ओळख जरी महागडे स्मार्टफोन सादर करणारी कंपनी असली तरी कंपनीचे काही मॉडेल अँड्रॉईडपेक्षा स्वस्त आहेत. त्यात जुन्या लाईनअप मधील डिवाइस तर खूप स्वस्तात विकत घेता येतात. यावर डिस्काउंट, एक्सचेंज आणि बँकिंग ऑफर्स मिळाल्यास आयफोन देखील अनेकांना परवडू शकतो. आता लोकप्रिय iPhone 12 mini फ्लिपकार्टवर मोठ्या डिस्काउंटसह उपलब्ध झाला आहे.
iPhone 12 mini वरील डिस्काउंट
59,900 रुपयांचा iPhone 12 mini चा 64GB व्हेरिएंट फ्लिपकार्टवर मात्र 16 टक्के डिस्काउंटनंतर 49,999 रुपयांमध्ये मिळत आहे. थोडक्यात ई-कॉमर्स प्लॅटफॉर्मकडून 9,901 रुपयांची सूट दिली जात आहे. एक्सचेंज ऑफर अंतर्गत तुम्ही तुमचा जुना स्मार्टफोन देऊन बचत करू शकता. या आयफोनवर 12,500 रुपयांपर्यंतची सूट एक्सचेंज ऑफर अंतर्गत मिळेल. अशाप्रकारे iPhone 12 mini वर एकूण 22,401 रुपयांची सवलत मिळत आहे.
अन्य ऑफर्स
आयफोन 12 मिनी फ्लिपकार्ट अ‍ॅक्सिस बँक कार्डनं विकत घेतल्यास 5 टक्के कॅशबॅक मिळेल. तसेच फ्लिपकार्ट पे लेटरवर 100 रुपयांची सूट आहे. आयफोन 12 मिनी सोबत डिस्कव्हरी+ सब्सक्रिप्शनवर 25 टक्के सूट, 999 रुपयांचं BYJU'S 3 लाईव्ह सेशन आणि 3 महिन्यांचं गाना प्लस सब्सक्रिप्शन मोफत मिळेल.
iPhone 12 Mini चे स्पेसिफिकेशन्स
आयफोन 12 मिनी मध्ये 5.4 इंचाचा डिस्प्ले देण्यात आला आहे. ज्याचे स्क्रीन रिजोल्यूशन 1080×2340 पिक्सल आहे. या डिस्प्लेला गोरिल्ला ग्लासची सुरक्षा देण्यात आली आहे. हा फोन iOS 14 ऑपरेटिंग सिस्टमसह सादर करण्यात आला होता. प्रोसेसिंगसाठी यात A14 Bionic चिपसेट देण्यात आला आहे. हा फोन 64GB, 128GB आणि 256GB व्हेरिएंटमध्ये विकत घेता येईल. फोटोग्राफीसाठी आयफोन 12 मिनी मध्ये 12 मेगापिक्सलचा डुअल रियर कॅमेरा आणि 12 मेगापिक्सलचा सेल्फी कॅमेरा देण्यात आला आहे.