वनप्लसला टक्कर देण्याऱ्या Samsung स्मार्टफोनवर पहिल्यांदाच मोठी सूट; स्वस्तात मिळतोय प्रीमियम 5G Phone 

Samsung Galaxy S21 FE 5G स्मार्टफोनवर पहिल्यांदाच 7 हजार रुपयांचा इन्स्टंट डिस्काउंट दिला जात आहे.

Samsung Galaxy S21 FE 5G स्मार्टफोन कंपनीनं स्वस्तात फ्लॅगशिप अनुभव देण्यासाठी सादर केला आहे. हा डिवाइसला वनप्लस, रियलमी आणि शाओमीच्या प्रीमियम स्मार्टफोनकडून टक्कर मिळते. आता Samsung Galaxy S21 FE स्मार्टफोनवर पहिल्यांदाच 7000 रुपयांचा डिस्काउंट मिळत आहे. त्यामुळे जर तुम्ही सॅमसंगचे चाहते असाल किंवा एखादा प्रीमियम स्मार्टफोन घेण्याचा विचार करत असाल तर या डीलचा फायदा घेऊ शकता. 

अशी आहे ऑफर  

कंपनीच्या वेबसाईटवर हा फोन बंपर डिस्काउंट आणि ऑफरसह उपलब्ध झाला आहे. फोनचा 128 जीबी स्टोरेज व्हेरिएंट 54,999 रुपये आणि 256 जीबी मॉडेल 58,999 रुपयांमध्ये लिस्ट करण्यात आला आहे. हे दोन स्मार्टफोन 7 हजार रुपयांच्या इन्स्टंट डिस्काउंटसह विकत घेता येईल. यासाठी फक्त तुम्हाला HDFC बँकेच्या क्रेडिट कार्डनं पेमेंट करावं लागेल. तसेच तुम्ही तुमचा जुना मोबाईल एक्सचेंज करून 37,400 रुपयांपर्यंतची बचत देखील करू शकता.  

Samsung Galaxy S21 FE 5G चे स्पेसिफिकेशन्स  

Samsung Galaxy S21 FE स्मार्टफोनमध्ये 6.4-इंचाचा फुल एचडी+ डायनॅमिक अ‍ॅमोलेड डिस्प्ले देण्यात आला आहे. हा पंच होल डिस्प्ले 120Hz रिफ्रेश रेटला सपोर्ट करतो. सॅमसंगचा हा स्मार्टफोन Exynos 2100 प्रोसेसरसह सादर करण्यात आला आहे. कंपनीनं यात 8GB पर्यंत रॅम आणि 256GB पर्यंतची स्टोरेज दिली आहे. Samsung चा हा फ्लॅगशिप स्मार्टफोन Android 12 वर आधारित One UI 4.0 वर चालतो.  

Galaxy S21 FE मध्ये ट्रिपल रियर कॅमेरा सेटअप देण्यात आला आहे. ज्यात 12MP चा चा अल्ट्रा वाईड प्रायमरी कॅमेरा, 12MP ची सेकंडरी लेन्स आणि 8MP चा टेलीफोटो सेन्सर मिळतो. सॅमसंगच्या या फोनमध्ये 32MP चा सेल्फी कॅमेरा देण्यात आला आहे. बेसिक कनेक्टिव्हिटीसह येणारा हा फोन इन-डिस्प्ले फिंगरप्रिंट सेन्सरला सपोर्ट करतो. तसेच यात फोन स्टीरियो स्पिकर आणि IP68 रेटिंग देण्यात आली आहे.पॉवर बॅकअपसाठी यात 4,500mAh ची बॅटरी 25W फास्ट चार्जिंगसह देण्यात आली आहे.