Galaxy A13 असणार सॅमसंगचा सर्वात स्वस्त 5G Phone; किंमत आणि स्पेसिफिकेशन आले समोर
By सिद्धेश जाधव | Published: November 1, 2021 03:54 PM2021-11-01T15:54:13+5:302021-11-01T15:54:26+5:30
Cheapest Samsung 5G Phone Galaxy A13 Price In India: Samsung Galaxy A13 5G चे तीन रॅम आणि दोन स्टोरेज व्हेरिएंट बाजारात उपलब्ध होऊ शकतात. यात 50MP Camera, 5000mAh Battery, 8GB RAM आणि 25W फास्ट चार्जिंग मिळू शकते.
Galaxy A13 असणार सॅमसंगचा सर्वात स्वस्त 5G Phone; किंमत आणि स्पेसिफिकेशन आले समोर
Next सॅमसंग एका Low Budget 5G Phone वर काम करत असल्याची बातमी काही दिवसांपूर्वी समोर आली होती. हा फोन Samsung Galaxy A13 5G नावाने बाजारात येईल, असे देखील सांगण्यात आले होते. आता या फोन लवकरच ग्राहकांच्या भेटीला येऊ शकतो. Samsung Galaxy A13 5G चे स्पेसिफिकेशन्स आणि किंमत इंटरनेटवर लीक झाली आहे.
Samsung Galaxy A13 5G Phone चे स्पेक्स
लीकनुसार सॅमसंग गॅलेक्सी ए13 5जी फोनमध्ये 6.48 इंचाचा फुलएचडी+ डिस्प्ले मिळेल. हा एक एलसीडी पॅनल असेल जो वॉटरड्रॉप नॉच स्क्रीनसह बाजारात येईल. फोनमध्ये अँड्रॉइड ओएसवर आधारित सॅमसंग वनयुआय मिळेल. तसेच या फोनला मीडियाटेकचा डिमेनसिटी 700 चिपसेटची प्रोसेसिंग पॉवर देण्यात येईल. यात 8GB पर्यंत RAM आणि 128GB पर्यंतची इंटरनल स्टोरेजला मिळेल.
फोटोग्राफीसाठी सॅमसंग गॅलेक्सी ए13 5जी फोनमध्ये ट्रिपल रियर कॅमेरा सेटअप देण्यात येईल. ज्यात 50 मेगापिक्सलचा प्रायमरी सेन्सर, 5 मेगापिक्सलची अल्ट्रा वाईड अँगल लेन्स आणि 2 मेगापिक्सलचा डेप्थ सेन्सर असेल. फोनमधील फ्रंट कॅमेऱ्याची माहिती मात्र समोर आली नाही. बेसिक कनेक्टिव्हिटीसह या डिवाइसमध्ये साईड माउंटेड फिंगरप्रिंट सेन्सर मिळेल. तर या मोबाईलमध्ये पॉवर बॅकअपसाठी 5000mAh ची बॅटरी 25W फास्ट चार्जिंगसह देण्यात येईल.
Samsung Galaxy A13 5G ची किंमत
Samsung Galaxy A13 5G चे तीन रॅम आणि दोन स्टोरेज व्हेरिएंट बाजारात उपलब्ध होऊ शकतात. या फोनची किंमत 249 डॉलर म्हणजे 18,500 भारतीय रुपयांच्या आसपास सुरु होईल.