Samsung Galaxy M32 5G ची किंमत लाँचपूर्वीच लीक; एवढ्या किंमतीत सादर होऊ शकतो हा 5G स्मार्टफोन 

Samsung Galaxy M32 5G price in India: सॅमसंगचा नवीन 5G स्मार्टफोन लवकरच भारतात येणार आहे. 25 ऑगस्टला भारतात Samsung Galaxy M32 5G लाँच करण्यात येईल, अशी माहिती कंपनीने दिली आहे.  

गेल्या आठवड्यात सॅमसंगने आपल्या नवीन 5G स्मार्टफोनची माहिती दिली होती. कंपनीचा Samsung Galaxy M32 5G स्मार्टफोन 25 ऑगस्टला भारतात सादर केला जाणार आहे. हा स्मार्टफोन एक-दोन नव्हे तर 12 5G बँड्ससह सादर केला जाईल, अशी माहिती कंपनीने दिली आहे. या स्मार्टफोनच्या भारतीय किंमतीची कोणतीही अधिकृत माहिती कंपनीने दिली नाही. परंतु मीडिया रिपोर्ट्सनुसार हा स्मार्टफोन 20-25 हजार रुपयांच्या आसपास सादर केला जाऊ शकतो.  

Samsung Galaxy M32 5G चे स्पेसिफिकेशन्स 

Samsung Galaxy M32 5G चे स्पेक्स मोठ्या प्रमाणावर गॅलेक्सी A32 5G सारखे आहेत, त्यामुळे हा एक रीब्रँडेड स्मार्टफोन असू शकतो. या फोनमध्ये 6.5-इंचाचा एचडी+ TFT डिस्प्ले दिला जाऊ शकतो. गॅलेक्सी A32 5G प्रमाणे या स्मार्टफोनमध्ये देखील मीडियाटेकची Dimensity 720 SoC दिली जाऊ शकते. तसेच या फोनमध्ये 6GB रॅम आणि 128GB स्टोरेज मिळू शकते. अ‍ॅमेझॉन इंडियानुसार हा Android 11-आधारित OneUI 3 वर चालेल.  

Samsung Galaxy M32 5G मध्ये क्वॉड कॅमेरा सेटअप मिळू शकतो. यात मुख्य कॅमेरा 48MP चा असेल, त्याचबरोबर 8MP ची अल्ट्रावाईड लेन्स, 5MP चा मॅक्रो सेन्सर आणि 2MP चा डेप्थ सेन्सर दिला जाऊ शकतो. गॅलेक्सी ए32 प्रमाणे यात 13MP चा फ्रंट कॅमेरा मिळू शकतो. या फोनमधील 5000 एमएएचची बॅटरी 15W फास्ट चार्जिंगला सपोर्ट करू शकते.