सॅमसंगचा दमदार 5G फोन लाँचच्या मार्गावर; Samsung Galaxy M52 5G स्मार्टफोन Amazon India वर लिस्ट
By ऑनलाइन लोकमत | Published: September 14, 2021 12:13 PM2021-09-14T12:13:35+5:302021-09-14T12:13:50+5:30
Galaxy M52 5G India Launch: Galaxy M52 5G स्मार्टफोन आता Amazon India वर लिस्ट करण्यात आला आहे. काही दिवसांपूर्वी या फोनचा सपोर्ट पेज कंपनीच्या वेबसाईटवर लाईव्ह करण्यात आला होता.
सॅमसंगचा दमदार 5G फोन लाँचच्या मार्गावर; Samsung Galaxy M52 5G स्मार्टफोन Amazon India वर लिस्ट
Next Samsung चा नवीन 5G स्मार्टफोन भारतात लवकरच लाँच होणार आहे. कंपनीच्या एम सीरिजमधील Galaxy M52 5G स्मार्टफोन आता Amazon India वर लिस्ट करण्यात आला आहे. या लिस्टिंगमधून हा फोन अ‍ॅमेझॉनवर खरेदीसाठी उपलब्ध होईल हे मात्र निश्चित झाले आहे. हा Galaxy M32 5G स्मार्टफोन नंतरचा एम सीरिजमधील दुसरा फोन असेल ज्यात 5G कनेक्टिव्हिटी देण्यात येईल. काही दिवसांपूर्वी या फोनचा सपोर्ट पेज कंपनीच्या वेबसाईटवर लाईव्ह करण्यात आला होता.
Samsung Galaxy M52 5G चे लीक स्पेसिफिकेशन्स
सॅमसंग गॅलेक्सी एम52 5जी फोनमध्ये 6.7 इंचाचा फुलएचडी+ सुपर अ‍ॅमोलेड डिस्प्ले मिळू शकतो. इन्फिनिटी ‘ओ’ डिजाईनसह येणारा हा डिस्प्ले 2400 X 1080 पिक्सल रिजोल्यूशन आणि 120Hz रिफ्रेश रेटला सपोर्ट करेल. या डिस्प्लेला कोर्निंग गोरिल्ला ग्लास 5 ची सुरक्षा देण्यात येईल. प्रोसेसिंगसाठी या फोनमध्ये Qualcomm Snapdragon 778G प्रोसेसर देण्यात येईल. हा फोन अँड्रॉइड 11 आधारित सॅमसंगच्या वनयुआय 3.1 वर चालेल.
Samsung Galaxy M52 5G मध्ये 8GB पर्यंतचा RAM आणि 128GB पर्यंतची इंटरनल स्टोरेज मिळू शकते. हा फोन 1TB पर्यंतच्या मायक्रोएसडी कार्ड सपोर्टसह सादर केला जाऊ शकतो. या फोनमधील बॅटरी क्षमतेची माहिती मिळाली नाही. परंतु यात 15वॉट फास्ट चार्जिंग सपोर्ट मिळेल. या फोनमधील ट्रिपल रियर कॅमेरा सेटअपमध्ये 64MP चा मुख्य कॅमेरा, 12MP ची अल्ट्रा वाईड अँगल लेन्स आणि 5MP चा डेप्थ सेन्सर मिळेल. तसेच सेल्फी आणि व्हिडीओ कॉलिंगसाठी फोनमध्ये 32MP चा फ्रंट कॅमेरा मिळू शकतो.