पुन्हा कमी झाली Samsung Galaxy S20 FE ची किंमत, बघा किती स्वस्त झाला हा सॅमसंगचा दमदार स्मार्टफोन
By सिद्धेश जाधव | Published: June 3, 2021 06:26 PM2021-06-03T18:26:14+5:302021-06-03T18:27:20+5:30
Galaxy S20 FE price cut: Galaxy S20 FE च्या किंमतीत कंपनीने 3000 रुपयांची कपात केली आहे. या स्मार्टफोनची किंमत आता 37,999 रुपयांपासून सुरु होत आहे.
Samsung Galaxy S20 FE मध्ये 6.5 इंचाचा फुल HD+ डिस्प्लेसह देण्यात आला आहे
सॅमसंगने गेल्यावर्षी ऑक्टोबरमध्ये भारतात Galaxy S सीरीजमध्ये Galaxy S20 FE स्मार्टफोन सादर केला होता. हा दमदार स्मार्टफोन Qualcomm Snapdragon 865 प्रोसेसरसह बाजारात आला होता. आता सॅमसंगने या स्मार्टफोनची किंमत कमी केली आहे. Galaxy S20 FE स्मार्टफोन गेल्यावर्षी 49,999 रुपयांमध्ये सादर केला गेला होता. (Samsung Galaxy S20 FE gets price cut of Rs. 3,000)
Samsung Galaxy S20 FE पुन्हा झाला स्वस्त
Galaxy S20 FE च्या किंमतीत कंपनीने 3000 रुपयांची कपात केली आहे. या स्मार्टफोनची किंमत आता 37,999 रुपयांपासून सुरु होत आहे. यापूर्वी Samsung Galaxy S20 FE ची किंमत 9,000 रुपयांनी कमी करण्यात आली होती. या नवीन किंमतीसह हा सॅमसंग स्मार्टफोन अमेझॉन आणि सॅमसंगच्या वेबसाइटवरून विकत घेता येईल.
Samsung Galaxy S20 FE चे स्पेसिफिकेशन्स
Samsung Galaxy S20 FE मध्ये 6.5 इंचाचा फुल HD+ डिस्प्लेसह देण्यात आला आहे. हा डिस्प्ले 1080×2400 पिक्सल आणि रिजोल्यूशन आणि 120Hz रिफ्रेश रेटसह येतो. फोनमध्ये सेल्फीसाठी पंच होल कटआउट आहे. तसेच प्रोसेसिंगसाठी सॅमसंगच्या या फोनमध्ये ऑक्टा-कोर Qualcomm Snapdragon 865 प्रोसेसर देण्यात आला आहे जो 8GB रॅमसह येतो. या स्मार्टफोनची 128GB इंटरनल स्टोरेज माइक्रोएसडी कार्डच्या माध्यमातून 1TB पर्यंत वाढवता येते.
Samsung Galaxy S20 FE स्मार्टफोन Android 10 वर आधारित OneUI वर चालतो. Samsung Galaxy S20 FE स्मार्टफोन IP68 रेटिंग सह येतो. कॅमेरा स्पेसिफिकेशन्स पाहता, यात ट्रिपल रियर कॅमेरा सेटअप देण्यात आला आहे. या फोनमध्ये 12 मेगापिक्सलचा मुख्य कॅमेरा आहे. त्याचबरोबर फोनमध्ये 8 मेगापिक्सलचा टेलीफोटो कॅमेरा आणि 12 मेगापिक्सलची अल्ट्रा वाइड अँगल लेंस मिळते. सेल्फीसाठी हा फोन 32 मेगापिक्सलच्या फ्रंट कॅमेऱ्याला सपोर्ट करतो. सॅमसंगच्या या फोनमध्ये 4500mAh ची बॅटरी मिळते जी 25W फास्ट चार्जला सपोर्ट करते.
