आतापर्यंतचा सर्वात पावरफुल Samsung स्मार्टफोन झाला लाँच; 108MP कॅमेरा, 1TB स्टोरेजसह मिळणार S-Pen सपोर्ट 

Samsung Galaxy S22 Ultra 5G Launch: सॅमसंगनं आपल्या Samsung Galaxy Unpacked 2022 Event मधून Galaxy S22 Series चे डिवाइसेज लाँच केले आहेत. या सीरीजमधील सर्वात पावरफुल Galaxy S22 Ultra मध्ये S-Pen सपोर्ट देण्यात आला आहे.  

Samsung Galaxy S22 Ultra काल म्हणजे 9 फेब्रुवारीला झालेल्या Samsung Galaxy Unpacked February 2022 Event मध्ये लाँच झाला आहे. या फोनमध्ये 108MP कॅमेरा, 12GB RAM, 5000mAh ची बॅटरी आणि बिल्ट-इन S-Pen सपोर्ट देण्यात आला आहे. हा कंपनीचा आतापर्यंतचा सर्वात शक्तिशाली स्मार्टफोन आहे ज्यात गेल्यावर्षीच्या Galaxy S21 Ultra च्या तुलनेत अनेक बदल करण्यात आले आहेत.  

Samsung Galaxy S22 Ultra चे स्पेसिफिकेशन्स  

Samsung Galaxy S22 Ultra मध्ये 6.8 इंचाचा QHD+ Dynamic AMOLED 2X डिस्प्ले देण्यात आला आहे. हा डिस्प्ले 120Hz रिफ्रेश रेट आणि 240Hz टच सॅम्प्लिंग रेटला सपोर्ट करतो. यात अंडर-डिस्प्ले अल्ट्रासोनिक फिंगरप्रिंट सेन्सर आणि IP68 रेटिंग देण्यात आली आहे. हा स्मार्टफोन Qualcomm Snapdragon 8 Gen 1 किंवा Exynos 2200 प्रोसेसरसह वेगवेगळ्या देशांमध्ये उपलब्ध होईल. सोबत 12GB पर्यंत RAM आणि 1TB पर्यंतची इंटरनल स्टोरेज देण्यात आली आहे. हा फोन Android 12 आधारित OneUI 4.1 वर चालतो. 

Galaxy S22 Ultra चा कॅमेरा सेगमेंट खूप खास आहे. यात क्वॉड रियर कॅमेरा सेटअप मिळतो. सेटअपमध्ये 108MP चा प्रायमरी कॅमेरा, 12MP चा अल्ट्रा वाईड कॅमेरा आणि 10MP चे दोन टेलीफोटो कॅमेरा मिळतात. सेल्फीसाठी 40MP चा सेन्सर देण्यात आला आहे. गॅलेक्सी एस22 अल्ट्रामध्ये 5000mAh ची मोठी बॅटरी मिळते. जी 45W वायर्ड आणि 15W वायरलेस चार्जिंगला सपोर्ट करते.  

Samsung Galaxy S22 Ultra ची किंमत 

Samsung Galaxy S22 Ultra 5G स्मार्टफोन Graphite, Red आणि Sky Blue कलरमध्ये विकत घेता येईल. या स्मार्टफोनच्या बेस व्हेरिएंटची किंमत 1199 डॉलर्स (जवळपास 89,737 रुपये) ठेवण्यात आली आहे. भारतीय किंमत आणि लाँच डेट समोर आली नाही.  

हे देखील वाचा:

• Smartwatch वरूनच करा कॉल, काढा फोटो; 7 दिवस चालेल FitShot Zest ची बॅटरी
• 8GB पर्यंत RAM असलेल्या Samsung स्मार्टफोन्सवर मिळतोय बंपर डिस्काउंट; अशी आहे Amazon ची ऑफर