फक्त 1899 रुपयांमध्ये TAGG Verve Neo स्मार्टवॉच भारतात लाँच; जाणून घ्या फीचर्स
By सिद्धेश जाधव | Published: October 26, 2021 07:54 PM2021-10-26T19:54:19+5:302021-10-26T19:54:47+5:30
Budget Smartwatch In India TAGG Verve Neo: TAGG Verve Neo स्मार्टवॉच कंपनीने 10 दिवसांच्या बॅटरी बॅकअपसह सादर केला आहे. तसेच यात IP68 वॉटर आणि डस्ट रेजिस्टन्स देण्यात आला आहे.
फक्त 1899 रुपयांमध्ये TAGG Verve Neo स्मार्टवॉच भारतात लाँच; जाणून घ्या फीचर्स
Next TAGG ने भारतात Verve Plus स्मार्टवॉच लाँच केल्याची बातमी कालच आम्ही दिली होती. आता या सीरिजमध्ये कंपनीने अजून एका डिवाइसची भर घातली आहे. कंपनीने Verve Neo नावाचा या सीरिजमधील चौथा स्मार्टवॉच बाजारात उतरवला आहे. TAGG Verve Neo मध्ये एक मोठा डिस्प्ले, मोठी बॅटरी आणि फिटनेस ट्रॅकर फीचर्स देण्यात आले आहेत.
TAGG Verve Neo Price
TAGG Verve Neo ची किंमत 1,899 रुपये आहे. हा स्मार्टवॉच अ‍ॅमेझॉनच्या माध्यमातून विकत घेता येईल. या डिवाइसचे Rose Gold, Black आणि Blue असे कलर व्हेरिएंट उपलब्ध आहेत. त्याचबरोबर कंपनीने 16 पेक्षा स्ट्रॅप देखील सादर केले आहेत.
TAGG Verve Neo चे स्पेसिफिकेशन्स
TAGG Verve Neo मध्ये 1.69-इंचाचा डिस्प्ले मिळतो. हा एक IPS LCD डिस्प्ले आहे, जो 500 निट्स पीक ब्राईटनेसला सपोर्ट करतो. या वॉचमध्ये 16 स्पोर्ट्स मोड आहेत. तसेच हार्ट रेट मॉनिटर, ब्लड ऑक्सीजन लेव्हल मोजणारा SpO2 सेन्सर, स्लीप ट्रॅकर आणि मेनुस्ट्रल सायकल ट्रॅकर असे हेल्थ फीचर्स देखील देण्यात आले आहेत.
TAGG ने नव्या स्मार्टवॉचमध्ये नवीन इंटरफेस दिला आहे, ज्यात नोटिफिकेशन पॅनल आणि 100 पेक्षा जास्त वॉच फेसचा समावेश आहे. Verve Neo मध्ये GPS, म्यूजिक प्लेयर आणि कॅमेरा कंट्रोल असे फीचर्स मिळतात. यावर कनेक्टड स्मार्टफोनमधील कॉल, मेसेज आणि अ‍ॅप नोटिफिकेशन देखील मिळवता येतात.
हा स्मार्टवॉच 10 दिवसांचा बॅटरी बॅकअप देऊ शकतो, असा दावा कंपनीने केला आहे. TAGG Verve Neo मध्ये धूळ आणि पाण्यापासून वाचण्यासाठी IP68 रेटिंग देखील आहे. या स्मार्टवॉच सोबत तुम्हाला TAGG Neo अ‍ॅप डाउनलोड करावे लागेल. जे Apple App Store आणि Google Play Store वर उपलब्ध आहे.