महागड्या स्मार्टफोनसोबत मिळणाऱ्या स्टायलससह TCL चा स्वस्त 5G स्मार्टफोन लाँच  

TCL Stylus 5G स्मार्टफोनमध्ये Stylus, Android 12 आणि 4,000mAh ची बॅटरी देण्यात आली आहे.  

TCL Stylus 5G स्मार्टफोन अमेरिकेत लाँच झाला आहे. याची खासियत म्हणजे या स्मार्टफोन सोबत सॅमसंगच्या Galaxy Note सारखं एक स्टायलस देण्यात आलं आहे. TCL Stylus 5G स्मार्टफोनची किंमत मात्र किफायतशीर ठेवण्यात आली आहे. TCL Stylus 5G स्मार्टफोन 260 डॉलर (सुमारे 20,000 रुपये) ठेवण्यात आली आहे.  

TCL Stylus 5G स्पेसिफिकेशन्स 

TCL Stylus 5G स्मार्टफोनमध्ये 6.81-इंचाचा एचडी LCD डिस्प्ले देण्यात आला आहे. यातील स्टायलसचा वापर करण्यासाठी खास अ‍ॅप देण्यात आले आहे. यातील एक अ‍ॅप हस्तक्षर टेक्स्टमध्ये रूपांतरित करू शकतं. तर स्पेशल कॅल्क्युलेटर अ‍ॅप हातानं लिहीलीलेली समीकरणं ओळखतो. स्मार्टफोनमध्ये ऑडियो जॅक आणि फिंगरप्रिंट स्कॅनर मिळतो.  

TCL Stylus 5G स्मार्टफोनमध्ये फोटोग्राफीसाठी 50MP चा रियर कॅमेरा सेटअप मिळतो. हा स्मार्टफोन MediaTek Dimensity 700 प्रोसेसरसह सादर करण्यात आला आहे. फोनमध्ये 4GB रॅम आणि 128GB इंटरनल स्टोरेज मिळते. जी मायक्रोएसडी कार्डनं वाढवता येते. फोन Android 12 ऑपरेटिंग सिस्टमवर चालतो. टीसीएलच्या या स्मार्टफोनबद्दल कंपनीनं म्हटलं आहे की फक्त एक अँड्रॉइड अपडेट मिळेल. तर दोन वर्षापर्यंत सिक्योरिटी अपडेट मिळतील. TCL Stylus 5G स्मार्टफोनमध्ये 4,000mAh ची बॅटरी देण्यात आली आहे.