64MP कॅमेऱ्यासह स्वस्त Tecno Camon 17 सीरिज भारतात लाँच; इयरबड्स मिळणार मोफत 

Tecno Camon 17 series price: Tecno Camon 17 आणि Tecno Camon 17 Pro हे दोन्ही स्मार्टफोन 26 जुलैच्या Amazon Prime Day Sale मध्ये खरेदीसाठी उपलब्ध होतील.  

गेल्या आठवड्यात Tecno Camon 17 सीरीज अ‍ॅमेझॉन इंडियावर लिस्ट करण्यात आली होती. आता ही सिरीज भारतात लाँच करण्यात आली आहे. Tecno Camon 17 आणि 17 Tecno Camon 17 Pro हे दोन स्मार्टफोन कंपनीने भारतात सादर केले आहेत. हे दोन्ही फोन 26 जुलैपासून भारतात विकत घेता येतील. यातील CAMON 17 Pro मॉडेलच्या खरेदीवर TECNO Buds1 मोफत मिळतील.  (Tecno Camon 17 Pro, Tecno Camon 17 With 64-Megapixel Quad Cameras Launched in India)

Tecno Camon 17 आणि Tecno Camon 17 Pro ची किंमत  

Tecno Camon 17 स्मार्टफोनची किंमत 12,999 रुपये ठेवण्यात आली आहे, हा स्मार्टफोन 6 जीबी रॅम आणि 128 जीबी स्टोरेजसह येतो. तर, Tecno Camon 17 Pro स्मार्टफोन 16,999 रुपयांमध्ये 8 जीबी रॅम आणि 128 जीबी स्टोरेजसह विकत घेता येईल.  

हे दोन्ही फोन्स 26 जुलैपासून सुरु होणाऱ्या Amazon Prime Day Sale मध्ये खरेदीसाठी उपलब्ध होतील. टेक्नो कॅमॉन 17 प्रो स्मार्टफोनच्या खरेदीवर ग्राहकांना 1,999 रुपयांचे TECNO Buds1 मोफत मिळतील. तसेच HDFC क्रेडिट आणि डेबिट कार्डने हे फोन्स विकत घेतल्यास 10 टक्के इन्स्टंट डिस्काउंट देण्यात येईल.  

Tecno Camon 17 Pro चे स्पेसिफिकेशन्स  

Tecno Camon 17 Pro स्मार्टफोनमध्ये 6.8-इंचाचा फुलएचडी+ आयपीएस एलसीडी डिस्प्ले देण्यात आला आहे. हा डिस्प्ले 1080 × 2460 पिक्सल रिजोल्यूशन आणि 90Hz रिफ्रेश रेटला सपोर्ट करतो. या टेक्नो स्मार्टफोनमध्ये मीडियाटेक Helio G95 SoC देण्यात आली आहे. हा फोन Android 11 आधारित HiOS कस्टम युआयवर चालतो. या फोनमध्ये सिक्योरिटीसाठी पावर बटनमध्ये एम्बेडेड फिंगरप्रिंट सेन्सर देण्यात आला आहे.   

Tecno Camon 17 Pro मधील क्वॉड रियर कॅमेरा सेटअपमध्ये 64MP चा मुख्य कॅमेरा, 8MP ची अल्ट्रा वाईड लेन्स आणि 2 मेगापिक्सलचा डेप्थ आणि मॅक्रो कॅमेरा सेन्सर देण्यात आला आहे. हा फोन 48 मेगापिक्सलच्या फ्रंट कॅमेऱ्याला सपोर्ट करतो. या टेक्नो फोनमध्ये 33W फास्ट सपोर्टसह 5000mAh ची बॅटरी देण्यात आली आहे.   

Tecno Camon 17 चे स्पेसिफिकेशन्स  

Tecno Camon 17 हा स्मार्टफोन 1600 X 720 पिक्सल रिजोल्यूशन असलेल्या 6.8 इंचाच्या 90Hz आयपीएस एलसीडी डिस्प्लेवर लाॅन्च करण्यात आला आहे. हा फोन अँड्रॉइड 11 आधारित हायओएस 7.6 सह आक्टाकोर प्रोसेसर तसेच मीडियाटेक हीलियो जी85 चिपसेटवर चालतो. या फोनमध्ये 6 जीबी रॅम आणि 128 जीबी इंटरनल स्टोरेज मिळते.  

Tecno Camon 17 मध्ये ट्रिपल रियर कॅमेरा देण्यात आला आहे. यात 48 मेगापिक्सलचा मुख्य सेन्सर, 16 मेगापिक्सलची सेकंडरी लेन्स तसेच 2 मेगापिक्सलचा तिसरा सेन्सर आहे. सेल्फी आणि व्हिडीओ काॅलिंगसाठी हा फोन 16 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी हा फोन 5,000एमएएचची बॅटरीला सपोर्ट करतो.