10 हजारांच्या आत स्मार्ट टीव्ही लाँच; जाणून घ्या Thomson च्या नव्या 32-इंचाच्या टीव्हीचे फीचर्स  

थॉमसननं भारतात 10 हजार रुपयांचा आत नवीन स्मार्ट टीव्ही लाँच केला आहे.  

फ्रेंच ब्रँड Thomson नं आपल्या बजेट फ्रेंडली टीव्ही पोर्टफोलियोमध्ये नव्या मॉडेलचा समावेश केला आहे. कंपनीनं भारतात आपला नवीन स्मार्ट टीव्ही लाँच केला आहे. ब्रँडच्या अल्फा सीरीजमध्ये 32-inch स्क्रीन साइजचा नवीन टीव्ही जोडण्यात आला आहे. कंपनीनं या टीव्हीची किंमत किफायतशीर ठेवली असून त्यावर डिस्काउंट देखील मिळत आहे.  

Thomson 32-inch Alpha TV चे स्पेसिफिकेशन्स 

या नव्या टीव्हीमध्ये 32-इंचाचा एचडी रेडी डिस्प्ले मिळतो. टीव्ही बेजल लेस स्क्रीनसह सादर करण्यात आला आहे. सोबत पावरफुल साउंडची जोड देखील देण्यात आली आहे. यात 30W चे स्पिकर देण्यात आले आहेत. डिवाइस 512MB RAM आणि 4GB स्टोरेजसह येतो. टीव्हीमध्ये मिराकास्ट, वाय-फाय, HDMI, USB कनेक्टिव्हिटी असे अनेक फिचर मिळतात. टीव्हीमध्ये तुम्हाला YouTube, Prime Video, Sony Liv, Zee5, Eros now सारखे अ‍ॅप्स वापरता येतात.  

थॉमसननं 2018 साली भारतात पुनरागमन केलं आहे. तेव्हापासून कंपनी किफायतशीर टीव्ही आणि एसी लाँच करत आहे. ब्रँडनं यंदा तीन नवीन प्रोडक्ट केले आहेत. 10 हजारांच्या आत इतर ब्रँड्स फक्त नॉन टीव्ही लाँच करत असताना थॉमसननं स्मार्ट टीव्हीचा पर्याय उपलब्ध करवून दिला आहे.  

Thomson 32-inch Alpha TV ची किंमत आणि उपलब्धता  

Thomson Alpha सीरीजमधील 32-इंचाचा नव्या स्मार्टटीव्हीची किंमत 9,999 रुपये ठेवण्यात आली आहे. या टीव्हीची विक्री ई-कॉमर्स प्लॅटफॉर्म Flipkart च्या माध्यमातून केली जाईल. येत्या 26 जूनपासून हा स्वस्त टीव्ही खरेदी करता येईल. हा मॉडेल आणखी स्वस्तात मिळवण्यासाठी तुम्ही एसबीआय बँकेच्या क्रेडिटचा वापर करू शकता, ज्यावर 10 टक्के डिस्काउंट दिला जात आहे.