फुटलेला डिस्प्ले Vivo मोफत बदलून देणार; एक्सटेंडेड वॉरंटीसह मिळणार 10 हजारांचे बेनिफिट्स
By ऑनलाइन लोकमत | Published: August 13, 2021 06:38 PM2021-08-13T18:38:37+5:302021-08-13T18:39:17+5:30
Vivo Special Offer: विवोने आपल्या काही स्मार्टफोन्सच्या खरेदीवर मोफत गिफ्ट्स आणि बेनिफिट्स देण्यास सुरवात केली आहे. ही ऑफर मर्यादित कालावधीसाठी उपलब्ध आहे.
हा प्रतीकात्मक फोटो आहे.
Next काही दिवसांपुवी विवोने भारतात आपला नवीन स्मार्टफोन Vivo Y53s लाँच केला होता. या स्मार्टफोनमध्ये कंपनीने 64MP चा कॅमेरा, 5000mAh बॅटरी असे जबरदस्त फिचर दिले होते. आता विवो आपल्या निवडक स्मार्टफोन्सच्या खरेदीवर भन्नाट ऑफर्स देत आहे. यात वन टाइम स्क्रीन रिप्लेसमेंट आणि एक्सटेंडेड वॉरंटी अश्या बेनिफिट्सचा समावेश आहे.
मोफत स्क्रीन रिप्लेसमेंट
Vivo X60, Vivo V21 आणि Vivo Y सीरीजमधील स्मार्टफोनच्या खरेदीवर कंपनीने अतिरिक्त बेनिफिट्स देण्यास सुरुवात केली आहे. ही ऑफर 11ऑगस्टपासून सुरु झाली आहे आणि 23 ऑगस्टपर्यंत या ऑफरचा फायदा घेता येईल. या कालावधीत विकत उपरोक्त सीरिजमधील नवीन स्मार्टफोन विकत घेतल्यास युजर्संना कार्ड ऑफर्स, ईएमआय ऑफर्स, वन-टाइम स्क्रीन रिप्लेसमेंट, मोफत लॅपटॉप बॅग आणि एक्सटेंडेड वॉरंटी मिळेल.
या ऑफरमुळे Vivo X60, Vivo V21 आणि Vivo Y सीरीजमधील स्मार्टफोन नो कॉस्ट ईएमआय अंतर्गत विकत घेता येतील. तसेच खरेदी करताना HDFC, ICICI आणि Kotak Mahindra बँकेच्या क्रेडिट कार्डचा वापर केल्यास ग्राहकांना 10 टक्के कॅशबॅक मिळेल. तसेच या स्मार्टफोनचा डिस्प्ले खरेदीनंतर 6 महिन्यात फुटल्यास वन-टाइम स्क्रीन रिप्लेसमेंट अंतर्गत मोफत बदलून देण्यात येईल. तसेच 10 हजार रुपयांचे जिओ बेनिफिट्स देखील मिळतील.
एक्सटेंडेड वॉरंटी
15 हजार रुपयांपेक्षा जास्त खरेदी केल्यास ग्राहकांना अश्योर्ड गिफ्ट मिळेल. या अश्योर्ड गिफ्टमध्ये लॅपटॉप बॅगचा समावेश आहे. 25 ऑगस्ट पर्यंत 15 हजार रुपयांपेक्षा कमी किंमतीचा प्रॉडक्ट केल्यास 6 महिन्याची मोफत एक्सटेंडेड वॉरंटी देण्यात येईल.