एका क्लिकमध्ये झक्कास सेल्फी; Vivo V23e फोन करणार 44MP फ्रंट कॅमेऱ्यासह एंट्री  

Vivo V23 Series लवकरच भारतीयांच्या भेटला येत आहे. या सीरिज अंतर्गत 44MP Selfie Camera आणि 44W फास्ट चार्जिंग असलेला Vivo V23e लाँच होणार आहे.  

Vivo V23 Series भारतात लाँच होणार आहे. ही सीरिज 5 जानेवारीला Vivo V23 आणि Vivo V23 Pro या फोन्ससह सादर केली जाईल. हे दोन्ही फोन्स ड्युअल सेल्फी कॅमेऱ्यासह येतील. आता आलेल्या बातमीनुसार या सिरीजमध्ये Vivo V23e देखील सादर केला जाणार आहे. हा 5G Phone याआधी थायलंडमध्ये सादर करण्यात आला आहे.  

91 Mobiles च्या रिपोर्टनुसार, Vivo V23e, Vivo V23 आणि Vivo V23 Pro हे तिन्ही फोन्स फेब्रुवारीमध्ये भारतीयांच्या भेटीला येतील. या हँडसेटची किंमत 25,000 ते 30,000 रुपयांच्या दरम्यान ठेवली जाईल.  

Vivo V23e 5G Phone चे स्पेसिफिकेशन्स  

Vivo V23e 5G मध्ये 6.44 इंचाचा फुलएचडी+ अ‍ॅमोलेड डिस्प्ले मिळतो. प्रोसेसिंगसाठी यात मीडियाटेक डिमेन्सिटी 810 चिपसेटची ताकद देण्यात आली आहे. त्याचबरोबर 8GB RAM आणि 128GB स्टोरेज मिळते. ही स्टोरेज 1TB पर्यंत वाढवता येते. हा डिवाइस अँड्रॉइड 11 आधारित फनटच ओएस 12 वर चालतो. या ड्युअल सिम फोनमध्ये इन-डिस्प्ले फिंगरप्रिंट सेन्सर मिळतो. पॉवर बॅकअपसाठी 4,050एमएएचची बॅटरीला 44W फास्ट चार्जिंग सपोर्टसह देण्यात आली आहे.   

Vivo V23e 5G मध्ये पॉवर पॅक कॅमेरा सेटअप देण्यात आला आहे. याची सुरुवात 44 मेगापिक्सलच्या सेल्फी कॅमेऱ्यापासून होते. तसेच फोनच्या बॅक पॅनलवर एलईडी फ्लॅशसह ट्रिपल कॅमेरा सेटअप देण्यात आला आहे. या सेटअपमध्ये 50 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स मिळते. 

हे देखील वाचा:  

सेकंड हँड स्मार्टफोन घेताना ‘या’ चुकांमुळे तुमचे पैसे जाऊ शकतात वाया

फक्त 7,499 रुपयांमध्ये आला 5000mAh Battery असलेला शानदार स्मार्टफोन; Redmi ला टाकणार मागे?