विवो व्ही ९ युथ एडिशनच्या मूल्यात पुन्हा कपात

अवघ्या तीन महिन्यातच याचे मूल्य दुसर्‍यांदा कमी करण्यात आले आहे.

विवो कंपनीने आपल्या व्ही ९ या स्मार्टफोनच्या युथ एडिशनमध्ये पुन्हा एकदा कपात जाहीर केली आहे. स्मार्टफोनच्या वाढत्या स्पर्धेमुळे स्मार्टफोन कंपन्यांना आपल्या विविध मॉडेल्सच्या मूल्यात वारंवार कपात करावी लागत आहे. या अनुषंगाने विवो व्ही ९ युथ एडिशनच्या मूल्यात कपात करण्यात आली आहे. 

एप्रिल महिन्यात हे मॉडेल १८,९९९ रूपयात लाँच करण्यात आले होते. यानंतर जून महिन्याच्या अखेरीस याचे मूल्य एक हजाराने कमी करण्यात आले होते. आता यात पुन्हा एकदा हजार रूपयांची कपात करण्यात आलेली आहे. यामुळे आता हा स्मार्टफोन १६,९९९ रूपये मूल्यात ग्राहकांना खरेदीसाठी उपलब्ध करण्यात आलेला आहे. म्हणजे अवघ्या तीन महिन्यातच याचे मूल्य दुसर्‍यांदा कमी करण्यात आले आहे.

या स्मार्टफोनमध्ये ६.३ इंच आकारमानाचा डिस्प्ले फुल एचडी प्लस अर्थात २२८० बाय १०८० पिक्सल्स क्षमतेचा आहे. यावर कॉर्नींग गोरीला ग्लास ३ चे संरक्षक आवरण प्रदान करण्यात आले आहे. यामध्ये क्वॉलकॉमचा ऑक्टा-कोअर स्नॅपड्रॅगन ४५०  प्रोसेसर दिलेला आहे. याची रॅम ४ जीबी आणि इनबिल्ट स्टोअरेज ३२ जीबी असून ते मायक्रो-एसडी कार्डच्या मदतीने वाढविण्याची सुविधा देण्यात आलेली आहे. आहे. तर यातील बॅटरी ३२६० मिलीअँपिअर क्षमतेची बॅटरी आहे.

विवो व्ही ९ युथ या स्मार्टफोनमध्ये ड्युअल कॅमेरा सेटअप आहे. याच्या अंतर्गत मागील बाजूस १६ आणि २ मेगापिक्सल्स क्षमतांचे दोन कॅमेरे आहेत. तर सेल्फी आणि व्हिडीओ कॉलिंगसाठी यामध्ये १६ मेगापिक्सल्स क्षमतेचा फ्रंट कॅमेरा आहे. हे मॉडेल अँड्रॉइडच्या ओरियो या प्रणालीवर चालणारा असून यावर कंपनीचा फनटच ४.० हा युजर इंटरफेस देण्यात आला आहे.