कमी किंमतीत विवोची कमाल! 5000mAh बॅटरीसह शानदार Vivo Y15s केला लाँच
By सिद्धेश जाधव | Published: November 9, 2021 03:38 PM2021-11-09T15:38:12+5:302021-11-09T15:38:20+5:30
Budget Vivo Phone Vivo Y15s Price: Vivo Y15s कंपनीने Budget सेगमेंटमध्ये 3GB RAM, MediaTek Helio P35 चिपसेट, 13MP camera आणि 5,000mAh battery सह सादर केला आहे.
कमी किंमतीत विवोची कमाल! 5000mAh बॅटरीसह शानदार Vivo Y15s केला लाँच
Next विवो अशी कंपनी आहे जी सर्वच प्राईस सेगमेंटमध्ये गुड लुकिंग फोन सादर करत असते. आता कंपनीने लो बजेट सेग्मेंटमध्ये Vivo Y15s नावाचा स्मार्टफोन सादर केला आहे. सध्या सिंगापूरमध्ये आलेला हा फोन लवकरच जगभरात सादर केला जाईल. हा Android Go वर चालणार फोन आहे, ज्यात MediaTek Helio P35 चिपसेट, 13MP camera आणि 5,000mAh battery असे स्पेसिफिकेशन्स देण्यात आले आहेत.
Vivo Y15s चे स्पेसिफिकेशन्स
Vivo Y15s मध्ये कंपनीने मीडियाटेक हीलियो पी35 चिपसेटची प्रोसेसिंग पॉवर दिली आहे. त्याचबरोबर 3GB रॅम आणि 32GB स्टोरेज देण्यात आली आहे. हा एक अँड्रॉइड गो एडिशनवर चालणार फोन आहे. Vivo Y15s मध्ये फोटोग्राफीसाठी ड्युअल कॅमेरा सेटअप दिला आहे. फोनच्या बॅक पॅनलवर एलईडी फ्लॅशसह 13 मेगपिक्सलचा प्रायमरी सेन्सर आणि 2 मेगापिक्सलचा सेकंडरी सेन्सर मिळतो. तसेच सेल्फी आणि व्हिडीओ कॉलिंगसाठी हा फोन 8 मेगापिक्सलच्या फ्रंट कॅमेऱ्याला सपोर्ट करतो.
Vivo Y15s मध्ये 6.51 इंचाचा एलसीडी डिस्प्ले देण्यात आला आहे. जो वॉटरड्रॉप नॉच आणि 720 पिक्सल रिजोल्यूशनसह सादर करण्यात आला आहे. सिक्योरिटीसाठी या डिवाइसमध्ये साईड माउंटेड फिंगरप्रिंट सेन्सर देण्यात आला आहे. तसेच पॉवर बॅकअपसाठी यात 10वॉट फास्ट चार्जिंगसह 5,000एमएएचची बॅटरी देण्यात आली आहे.
Vivo Y15s ची किंमत
सिंगापूरमध्ये हा फोन 179 डॉलरमध्ये लाँच करण्यात आला आहे. ही किंमत 13,000 भारतीय रुपयांच्या आसपास रूपांतरित होते. Vivo Y15s चे Wave Green आणि Mystic Blue असे दोन कलर व्हेरिएंट विक्रीसाठी उपलब्ध होतील. हा फोन भारतात कधी येईल हे सध्यातरी सांगता येत नाही.