Xiaomi 11T Pro India Launch: 12GB RAM आणि 108MP कॅमेऱ्यासह Xiaomi चा ढासू फोन लाँचसाठी सज्ज; वाढू शकतात वनप्लसच्या अडचणी
By सिद्धेश जाधव | Published: December 4, 2021 12:46 PM2021-12-04T12:46:05+5:302021-12-04T12:48:30+5:30
Xiaomi 11T Pro India Launch: Xiaomi 11T Pro लवकरच भारतात तीन रॅम आणि तीन कलर व्हेरिएंटसह सादर केला जाईल. हा फोन 12GB RAM, 108MP Camera, 5000mAh बॅटरी आणि 120W फास्ट चार्जिंग, अशा भन्नाट स्पेसिफिकेशनसह सादर करण्यात आला आहे.
Xiaomi 11T Pro India Launch: 12GB RAM आणि 108MP कॅमेऱ्यासह Xiaomi चा ढासू फोन लाँचसाठी सज्ज; वाढू शकतात वनप्लसच्या अडचणी
Next Xiaomi 11T Pro स्मार्टफोन काही दिवसांपूर्वी युरोपियन बाजारात आला होता. तेव्हपासून या फोनच्या भारतीय लाँचची वाट बघितली जात आहे. हा फोन 12GB RAM, 108MP Camera, 5000mAh बॅटरी आणि 120W फास्ट चार्जिंग, अशा भन्नाट स्पेसिफिकेशनसह सादर करण्यात आला आहे. आता फोन ब्लूटूथ SIG सर्टिफिकेशन साईटवर दिसला आहे. त्यामुळं फोनचा भारतीय लाँच नजीक असल्याचा अंदाज लावला जात आहे.
या लिस्टिंगमधून Xiaomi 11T Pro च्या तीन रॅम आणि स्टोरेज व्हेरिएंटची माहिती मिळाली आहे. 2107113 मॉडेल नंबर असलेला हा फोन 8GB/128GB, 8GB/256GB आणि 12GB/256GB या तीन व्हेरिएंटमध्ये उपलब्ध होईल. तसेच या फोनचे तीन कलर व्हेरिएंट देखील देशात लाँच केले जातील, अशी माहिती टिपस्टर मुकुल शर्मानं ट्वीट करून दिली आहे.
Xiaomi 11T Pro Price In India
युरोपात Xiaomi 11T Pro चा 8GB रॅम आणि 128GB स्टोरेज मॉडेल 649 युरो (जवळपास 56,400 रुपये) मध्ये सादर करण्यात आला आहे. तर 8GB/256GB व्हेरिएंट 699 युरो (जवळपास 60,800 रुपये) आणि 12GB/256GB व्हेरिएंटची किंमत 749 युरो (जवळपास 65,100 रुपये) ठेवण्यात आली आहे. भारतीय किंमत देखील याच रेंजमध्ये असू शकते.
Xiaomi 11T Pro चे स्पेसिफिकेशन्स
नावावरून समजले असेल कि Xiaomi 11T Pro या सीरिजमधील पॉवरफुल फोन आहे. स्पेसिफिकेशन्समधून देखील ही पॉवर दिसून येते. कारण या फोनमध्ये क्वॉलकॉमचा शक्तिशाली Snapdragon 888 प्रोसेसर देण्यात आला आहे. हा फोन अँड्रॉइड 11 बेस्ड MIUI 12.5 वर चालतो. शाओमी 11T मध्ये 120Hz रिफ्रेश रेट, 20:9 अस्पेक्ट रेश्यो, 480Hz टच रिस्पॉन्स रेट, डॉल्बी विजन आणि कॉर्निंग गोरिल्ला ग्लास विक्टस लेयरसह 6.67-इंचाचा FHD+ TrueColor डिस्प्ले देण्यात आला आहे. यात 12GB रॅम आणि 256GB पर्यंतची इंटरनल स्टोरेज मिळते आहे.
या फोनची खासियत म्हणजे या फोनचा चार्जिंग स्पीड. Xiaomi 11T Pro मधील 5000mAh ची बॅटरी 120W इतक्या जबरदस्त वेगाने चार्ज करता येते. हा फोन फक्त 17 मिनिटांत फुलचार्ज होऊ शकतो. बेस मॉडेलप्रमाणे या फोन मध्ये देखील ट्रिपल रियर कॅमेरा सेटअप आहे. यात 108MP चा सॅमसंग HM2 मुख्य सेन्सर, 8MP ची 119-डिग्री अल्ट्रा-वाईड-अँगल लेन्स आणि 3x झूमसह 8MP टेलीमॅक्रो सेन्सर आहे. हा 16MP च्या फ्रंट कॅमेऱ्याला सपोर्ट करतो.