Xiaomi 12 Pro: छुप्या अंडर डिस्प्ले कॅमेऱ्यासह येऊ शकतो Xiaomi चा जबरदस्त फोन; लाँचसाठी उरले फक्त काही दिवस
By ऑनलाइन लोकमत | Published: December 15, 2021 05:59 PM2021-12-15T17:59:30+5:302021-12-15T18:03:53+5:30
Xiaomi 12 Pro: Xiaomi 12 Pro स्मार्टफोन छुप्या अंडर डिस्प्ले कॅमेऱ्यासह बाजारात येईल. हा फोन अस्तित्वात आल्यास Xiaomi MIX 4 नंतर Xiaomi 12 Pro कंपनीचा दुसरा फोन असेल जो CUP (कॅमेरा अंडर पॅनल) टेक्नॉलॉजीसह सादर केला जाईल.
Xiaomi 12 Pro: छुप्या अंडर डिस्प्ले कॅमेऱ्यासह येऊ शकतो Xiaomi चा जबरदस्त फोन; लाँचसाठी उरले फक्त काही दिवस
Next Xiaomi सध्या आपल्या आगामी Xiaomi 12 सीरिजवर काम करत आहे. ही एक फ्लॅगशिप सीरिज आहे, जी क्वॉलकॉमच्या Snapdragon 8 Gen 1 या नव्या शक्तिशाली प्रोसेसरसह सादर केली जल. आता या सीरिजमधील एका स्मार्टफोनच्या कॅमेऱ्याची माहिती लीक झाली आहे. सीरिजमधील Xiaomi 12 Pro स्मार्टफोन छुप्या अंडर डिस्प्ले कॅमेऱ्यासह बाजारात येईल.
काही दिवसांपूर्वी MIUI च्या काही स्टॉक अ‍ॅप्सच्या माध्यमातून आगामी MIUI 13 लोगो समोर आला होता. तसेच काही व्हिडीओ देखील समोर आले आहेत ज्यातून आगामी मीयुआयची माहिती मिळाली आहे. परंतु या व्हिडीओजमध्ये Xiaomi 12 Pro स्मार्टफोन असू शकतो, असा दावा करण्यात आला आहे.
Xiaomiui नुसार, MIUI 13 च्या फर्स्ट लुक व्हिडीओमध्ये Xiaomi 12 Pro दिसत आहे. कारण अशाप्रकारची फ्रंट डिजाइन असलेला दुसरा कोणताही फोन नाही. या व्हिडीओमधील फोन अंडर-डिस्प्ले कॅमेऱ्यासह सादर केला जाऊ शकतो. हा फोन अस्तित्वात आल्यास Xiaomi MIX 4 नंतर Xiaomi 12 Pro कंपनीचा दुसरा फोन असेल जो CUP (कॅमेरा अंडर पॅनल) टेक्नॉलॉजीसह सादर केला जाईल.
शाओमी लवकरच Xiaomi 12 सीरिज बाजारात सादर करू शकते. याआधी आलेल्या लीकमध्ये कंपनी यावर्षीचा शेवट धमाकेदार करणार असल्याचं सांगण्यात आलं होत. यासाठी कंपनी या सीरिजमध्ये तीन फोन सादर करू शकते.
हे देखील वाचा:
4 हजार रुपयांपर्यंतच्या डिस्काउंटसह Realme चे स्मार्टफोन्स उपलब्ध; फ्लॅगशिप फोन देखील झाले स्वस्त
64MP कॅमेऱ्यासह Redmi चा स्वस्त गेमिंग फोन होणार लाँच; वेगवान डिस्प्लेसह मिळणार शोल्डर बटन्स