20,000mAh ची दमदार पॉवर बँक आणि Xiaomi Beard Trimmer 2 भारतात लाँच; इथून घेता येणार विकत
By सिद्धेश जाधव | Published: September 30, 2021 12:38 PM2021-09-30T12:38:32+5:302021-09-30T12:38:47+5:30
Xiaomi Powerbank and Trimmer: शाओमीने हायपरसॉनिक पॉवरबँक आणि Xiaomi Beard Trimmer 2 भारतात लाँच केले आहेत.
20,000mAh ची दमदार पॉवर बँक आणि Xiaomi Beard Trimmer 2 भारतात लाँच; इथून घेता येणार विकत
Next शाओमीने दोन नवीन प्रोडक्ट भारतात सादर केले आहेत. यात Xiaomi Beard Trimmer 2 आणि Mi Power Bank Hypersonic चा समावेश आहे. कंपनीचा नवीन ट्रीमर IPX7 वॉटर रेजिस्टन्ससह सादर करण्यात आला आहे. तर Mi Power Bank Hypersonic ची बॅटरी क्षमता 20,000mAh आहे. ही पॉवरबँक 50W फास्ट चार्जिंग टेक्नॉलॉजीस सपोर्ट करते आणि USB Power Delivery 3.0 च्या मदतीने लॅपटॉप 45W स्पीडने चार्ज करू शकते.
किंमत
Xiaomi Beard Trimmer 2 ची किंमत 1,999 रुपये आहे. हा ट्रीमर फेस्टिव सेलमध्ये इंट्रोडक्टरी ऑफर अंतर्गत 1,799 रुपयांमध्ये विकत घेता येईल. Mi Power Bank Hypersonic ची किंमत 3,599 रुपये आहे. हे दोन्ही प्रोडक्ट Mi.com, मी होम स्टोर्स, मी स्टुडिओ, अ‍ॅमेझॉन इंडिया आणि ऑफलाइन स्टोर्सच्या माध्यमातून 3 ऑक्टोबरपासून विकत घेता येतील.
Xiaomi Beard Trimmer 2
Xiaomi Beard Trimmer 2 मध्ये स्टेनलेस स्टील, सेल्फ-शार्पिंग ब्लेड देण्यात आले आहेत. 0.5mm च्या अचूकतेने 40 लेंथ सेटिंग्ससह ट्रिमिंग करतो. यातील ब्लेड दरमिनिटाला 6,000 रोटेट होतात. ट्रीमरमध्ये बॅटरी लेव्हल दाखवण्यासाठी एलईडी बॅटरी डिस्प्ले देण्यात आला आहे. 2 तासांत फुल चार्ज झाल्यानंतर हा ट्रीमर 90 मिनिटे वापरता येतो. हा ट्रीमर कोर्डसह देखील वापरता येईल. तसेच IPX7 रेटिंगमुळे हा पाण्याने धुता देखील येतो.
Mi Power Bank Hypersonic
Mi HyperSonic Power Bank मध्ये 20,000mAh कपॅसिटी वाली लिथियम पॉलीमर बॅटरी आहे. या द्वारे जास्तीत जास्त 50W चार्जिंग स्पीडने डिवाइस चार्ज करता येतात. यात दोन यूएसबी टाइप-ए पोर्ट आणि एक यूएसबी टाइप-सी पोर्ट देण्यात आले आहेत. Mi HyperSonic Power Bank मध्ये ब्लूटूथ हेडसेट, फिटनेस बँड आणि स्मार्टवॉच सारख्या डिवाइससाठी लो पावर चार्जिंग मोड देण्यात आला आहे.
Mi HyperSonic पावर बँक 45W चार्जिंग स्पीडने चार्ज करता येते आणि ही पावर बँक पूर्णपणे चार्ज होण्यासाठी 3 तास 50 मिनिटांचा वेळ लागतो. या पावर बँक द्वारे Lenovo L480 लॅपटॉप 2 तास 27 मिनिटे, Mi 11X Pro स्मार्टफोन 1 तास 5 मिनिटे आणि Mi Watch Revolve स्मार्टवॉच 2 तास 20 मिनिटांत चार्ज केले जाऊ शतकात, असा दावा कंपनीने केला आहे. Mi HyperSonic Power Bank मध्ये 16-लेयर चिप प्रोटेक्शन, टेम्परेचर रेजिस्टन्स, ओवर-वोल्टेज प्रोटेक्शन, शटडाउन प्रोटेक्शन, इलेक्ट्रोस्टॅटिक प्रोटेक्शन, शॉर्ट सर्किट प्रोटेक्शन आणि असे अनेक फीचर्ससह देण्यात आले आहेत.