शाओमीचा रेडमी नोट 5, रेडमी नोट 5 प्रो भारतात लॉन्च, जाणून घ्या किंमत व फीचर्स

शाओमी कंपनीने रेडमी नोट 5, रेटमी नोट 5 प्रो हे दोन स्मार्टफोन लॉन्च केले आहेत.

नवी दिल्ली- शाओमी कंपनीने रेडमी नोट 5, रेटमी नोट 5 प्रो हे दोन स्मार्टफोन लॉन्च केले आहेत. नवी दिल्लीत झालेल्या कार्यक्रमात या फोनचं अनावरण करण्यात आलं. शाओमीचा 3 जीबी रॅम व 32 जीबी स्टोरेज असलेला रेडमी नोट 5 ग्राहकांना  9,999 रूपयांना उपलब्ध आहे. तर 4 जीबी रॅम व 64 जीबी स्टोरेजचा फोन ग्राहकांना 11,999 रूपयांना मिळणार आहे. रोज गोल्ड, गोल्ड, ब्लू व ब्लॅक अशा चार रंगामध्ये हे फोन उपलब्ध आहेत. 

रेडमी नोट 5मध्ये 5.99 इंच आकारमानाचा व 18 बाय 9 पिक्सल्स (एचडी प्लस) क्षमतेचा डिस्प्ले आहे. मॉडेलमध्ये स्नॅपड्रॅगन 625 प्रोसेसर आहे.. या मॉडेलमध्ये 3 आणि 4 जीबी रॅमचे पर्याय आहेत .  यातील रेडमी नोट 5 या मॉडेलमध्ये 12 व 5 मेगापिक्सल्सचे कॅमेरे तर 4000 मिलीअँपिअर क्षमतेची बॅटरी देण्यात आली आहे. विशेष म्हणजे फ्रंट फ्रॅशही आहे. 

शाओमीने रेडमी नोट 5 प्रो या मोबाइलचंही अनावरण केलं. रेडमी नोट 5 प्रोच्या 4 जीबी रॅम असणाऱ्या फोनची किंमत 13 हजार 999 आहे. तर 6 जीबी रॅम असणारा फोन 16 हजार 999 रूपयांना मिळतो आहे. रेडमी नोट 5 प्रमाणे रेडमी नोट 5 प्रो या फोनलाही फुल स्क्रीन डिस्प्ले आहे. या मॉडेलमध्ये स्नॅपड्रॅगन 636 प्रोसेसर बसविण्याक आला आहे. मोबाइलला 12 व 5 मेगापिक्सेल ड्युअल कॅमेरा तर 20 मेगापिक्सेल फ्रंट फेसिंग कॅमेरा आहे.