आजपासून विकत घेता येईल शाओमीचा Mi TV 4A 40 Horizon Edition स्मार्टटीव्ही; जाणून घ्या किंमत आणि स्पेसिफिकेशन्स 

Xiaomi Mi TV 4A 40 launched: Xiaomi Mi TV 4A 40 2 जूनपासून 23,999 रुपयांमध्ये फ्लिपकार्टवर उपलब्ध होईल.  

Xiaomi ने Xiaomi Mi TV 4A 40 स्मार्टटीव्ही भारतात लाँच केली आहे. हि टीव्ही गेल्यावर्षी सप्टेंबरमध्ये भारतात लाँच केल्या गेलेल्या स्मार्ट टीव्ही सीरीज Mi TV 4A Horizon Edition मध्ये लाँच करण्यात आली आहे. याआधी या सिरीजमध्ये 32 आणि 43 इंचाचे दोन मॉडेल आहेत, हा नवीन मॉडेल 40 इंचाच्या स्क्रीनसह येतो. (Xiaomi Mi TV 4A 40 launched in India with price tag of 23,999 Rs.) 

Mi TV 4A 40 Horizon Edition स्पेसिफिकेशन्स आणि फीचर्स 

Xiaomi च्या या नव्या Mi TV 4A 40 Horizon Edition स्मार्टटीव्हीचे सर्व स्पेसिफिकेशन्स जुन्या 43-इंचाच्या वेरिएंट्स सारखे आहेत. दोघांमध्ये फरक फक्त डिस्प्ले पॅनलच्या आकाराचा आहे. नवीन 40-इंच LED-backlit LCD पॅनलमध्ये रिजोल्यूशन 1920 x 1080 पिक्सल (FHD), 60Hz रिफ्रेश रेट, 178° व्यूविंग अँगल आणि रिस्पॉन्स टाइम 9.5ms आहे. 64-bit Amlogic चिपसेट असलेल्या या स्मार्टटीव्हीमध्ये चार ARM Cortex-A53 CPU कोर आणि ARM Mali-450 MP3 GPU देण्यात आला आहे. त्याचबरोबर हा स्मार्टटीव्ही 1GB RAM आणि 8GB इंटरनल स्टोरेजसह सादर केला गेला आहे. 

Mi Fans, 𝗜𝗻𝘁𝗿𝗼𝗱𝘂𝗰𝗶𝗻𝗴 the all-new #MiTV4A40.

- #HorizonEdition with Bezel-less design
- 20W DTS-HD sound
- #PatchWall + Android TV
- Mi Quick Wake

@ ₹23,999 | Sale: tomorrow at 12 Noon

Available on https://t.co/D3b3QtmvaT, @Flipkart, Mi Home & Retail outlets. pic.twitter.com/tWKODEvonC

— Mi India (@XiaomiIndia) June 1, 2021

शाओमीचा हा टीव्ही कंपनीच्या PatchWall ओएसवर चालतो, जो Android TV Pie ऑपरेटिंग सिस्टमवर आधारित आहे. या टीव्हीमध्ये सर्व लोकप्रिय स्ट्रीमिंग अ‍ॅप्ससह Chromecast, Google Play Store, आणि Google Assistant सपोर्ट देण्यात आला आहे.  

साउंड आउटपुटसाठी शाओमीच्या टीव्हीमध्ये 20W चे स्पीकर देण्यात आले आहेत ज्यात DTS-HD सपोर्ट आहे. त्याचबरोबर टीव्ही सिंगल बँड WiFi, Bluetooth 4.2, तीन HDMI पोर्ट, दोन USB 2.0 पोर्ट, AV (मिनी), Antenna, S/PDIF, 3.5mm हेडफोन जॅक आणि Ethernet पोर्ट अश्या फीचर्सना सपोर्ट करतो. 

Mi TV 4A 40 Horizon Edition ची किंमत 

Xiaomi च्या Mi TV 4A 40 Horizon Edition ची किंमत 23,999 रुपये आहे. या सिरीजमधील 32-इंचाचा मॉडेल 15,000 रुपयांमध्ये तर 43-इंचाचा वेरिएंट 25,999 रुपयांमध्ये विकत घेता येईल. 2 जूनपासून नवीन मॉडेल Mi.com, Flipkart, Mi Home रिटेल स्टोर आणि कंपनीच्या पार्टनर स्टोरवरून विकत घेता येईल.