आणखी काय हवं? मोठा डिस्प्ले, 8720mAh ची दमदार बॅटरी आणि 6GB रॅमसह Xiaomi चा टॅबलेट येतोय
By सिद्धेश जाधव | Published: April 18, 2022 01:27 PM2022-04-18T13:27:37+5:302022-04-18T13:27:49+5:30
Xiaomi Pad 5 टॅबलेट भारतात 11 इंचाचा डिस्प्ले, 6GB RAM, 120Hz रिफ्रेश रेट आणि 8720mAh बॅटरीसह सादर केला जाऊ शकतो.
आणखी काय हवं? मोठा डिस्प्ले, 8720mAh ची दमदार बॅटरी आणि 6GB रॅमसह Xiaomi चा टॅबलेट येतोय
Next Xiaomi नं गेली कित्येक वर्ष टॅबलेट सेगमेंटमध्ये कोणताही डिवाइस सादर केला नव्हता. त्यामुळे अँड्रॉइड टॅबलेट सेगमेंटमध्ये सॅमसंग हा एकच ब्रँड लोकप्रिय होता. परंतु गेल्यावर्षी ऑगस्टमध्ये कंपनीनं अँड्रॉइड टॅबलेट सेगमेंट मध्ये पुनरागमन करत Xiaomi Pad 5 चीनमध्ये लाँच केला होता. आता हा 11 इंचाचा डिस्प्ले, 6GB RAM, 120Hz रिफ्रेश रेट आणि 8720mAh बॅटरी असलेला हा डिवाइस भारतात येतोय.
Xiaomi 12 Pro स्मार्टफोन भारतात 27 एप्रिलला लाँच होणार आहे. त्याच दिवशी Xiaomi Pad 5 देखील भारतीयांच्या भेटीला येणार आहे. अशी माहिती 91mobiles नं टिपस्टर योगेश ब्रारच्या हवाल्याने दिली आहे. Xiaomi Pad 5 सह स्टायलस आणि की-बोर्ड अ‍ॅक्सेसरीज देखील लाँच केल्या जाऊ शकतात. चीनमध्ये हा टॅब 24,000 रुपयांच्या आसपास सादर केला गेला आहे. त्यामुळे भारतीय किंमत देखील 30 हजारांच्या आत असू शकते.
Xiaomi Pad 5 चे स्पेसिफिकेशन्स
Xiaomi Pad 5 मध्ये 11 इंचाचा WQHD+ ट्रूटोन डिस्प्ले मिळतो. हा डिस्प्ले 120Hz रिफ्रश रेट 1600 X 2560 पिक्सल रिजोल्यूशनला सपोर्ट करतो. प्रोसेसिंगसाठी यात कंपनीने क्वॉलकॉमच्या स्नॅपड्रॅगन 860 प्रोसेसरचा वापर केला आहे. यात 6GB पर्यंत RAM आणि 256GB पर्यंतची इनबिल्ट स्टोरेज मिळते.
या टॅबलेटमध्ये एलईडी फ्लॅशसह 13MP चा रियर कॅमेरा मिळतो. यातील फ्रंट कॅमेऱ्याचे रिजोल्यूशन 8MP आहे. Xiaomi Pad 5 मध्ये 8,720mAh ची मोठी बॅटरी 33W फास्ट चार्जिंग सपोर्टसह मिळते. जी 10 तास गेमिंग 16 तास व्हिडीओ प्लेबॅक देऊ शकते. कनेक्टिविटीसाठी यात Bluetooth 5, Wi-Fi आणि USB Type C पोर्ट मिळतो.