ढासू प्रोसेसरसह Redmi 10 Prime येणार भारतात; पुढील आठवड्यात लाँच इव्हेंटचे आयोजन
By सिद्धेश जाधव | Published: August 27, 2021 06:59 PM2021-08-27T18:59:46+5:302021-08-27T19:05:54+5:30
Redmi 10 Prime Launch: शाओमी Redmi 10 Prime स्मार्टफोन ‘ऑल राउंड सुपरस्टार’ टॅगलाईनसह सादर करणार आहे.
ढासू प्रोसेसरसह Redmi 10 Prime येणार भारतात; पुढील आठवड्यात लाँच इव्हेंटचे आयोजन
शाओमीने आगामी Redmi 10 Prime स्मार्टफोनमधील चिपसेट अधिकृतपणे माहिती दिली आहे. हा स्मार्टफोन MediaTek Helio G88 चिपसेटसह लाँच केला जाईल, असे कंपनीने ट्वीट करून स्पष्ट केले आहे. आतापर्यंत फक्त अंदाज बांधले जात होते. हा चिपसेट नुकताच मीडियाटेकने सादर केला होता, हा एक गेमिंग चिपसेट आहे. शाओमी Redmi 10 Prime स्मार्टफोन ‘ऑल राउंड सुपरस्टार’ टॅगलाईनसह सादर करणार आहे.
Redmi 10 Prime ची भारतातील संभाव्य किंमत
रेडमी सीरिजमधील स्मार्टफोनची किंमत नेहमीच Redmi Note सीरिज पेक्षा कमी असते. त्यामुळे Xiaomi Redmi 10 Prime स्मार्टफोन Redmi Note 10 पेक्षा कमी किंमतीत सादर केला जाईल. Redmi Note 10 सध्या भारतात 13,999 रुपयांमध्ये उपलब्ध आहे. त्यामुळे Redmi 10 Prime स्मार्टफोनची किंमत यापेक्षा कमीच असू शकते.
Redmi 10 Prime चे स्पेसिफिकेशन्स
Xiaomi Redmi 10 Prime स्मार्टफोनमध्ये 6.5-इंचाचा आयपीएस एलसीडी डिस्प्ले देण्यात आला आहे. पंच होल कट-आऊटसह येणार हा डिस्प्ले 90Hz रिफ्रेश रेट आणि 20:9 अस्पेक्ट रेशियोला सपोर्ट करतो. या डिस्प्लेला गोरिल्ला ग्लास 3 ची सुरक्षा देण्यात आली आहे. सिक्योरिटीसाठी यात उजव्या पॅनलवर पावर बटनमध्ये फिंगरप्रिंट सेन्सर देण्यात आला आहे. तसेच यात ड्युअल 4G VoLTE, Wi-Fi 5, Bluetooth 5.0, GPS, IR blaster, Qj 3.5mm ऑडियो जॅक असे कनेक्टिव्हिटी ऑप्शन देण्यात आले आहेत.
लाँच पूर्वी शाओमीने सांगितल्याप्रमाणे या स्मार्टफोनमध्ये मीडियाटेकचा Helio G88 चिपसेट देण्यात आला आहे. हा एक गेमिंग चिपसेट आहे असे कंपनीने म्हटले होते. या रेडमी फोनमध्ये 6GB पर्यंतचा LPDDR4x RAM आणि 128GB पर्यंतची eMMC स्टोरेज देण्यात आली आहे. हा बजेट स्मार्टफोन Android 11 ऑपरेटिंग सिस्टम आधारित MIUI 12.5 वर चालतो.
Xiaomi Redmi 10 Prime 10 मध्ये कंपनीने क्वॉड रियर कॅमेरा सेटअप दिला आहे. यात 50-मेगापिक्सलचा मुख्य कॅमेरा देण्यात आला आहे, त्याचबरोबर 8-मेगापिक्सलची अल्ट्रा वाईड लेन्स, 2 मेगापिक्सलचा मॅक्रो कॅमेरा आणि 2 मेगापिक्सलचा डेप्थ सेन्सर कॅमेरा मिळतो. सेल्फी आणि व्हिडीओ कॉलिंगसाठी या फोनमध्ये 8 मेगापिक्सलचा फ्रंट कॅमेरा मिळतो. या रेडमी नव्या फोनमधील 5,000mAh ची बॅटरी 18W फास्ट चार्जिंगला सपोर्ट करते.
