स्टार टेनिसपटू रॉजर फेडररची स्विस ओपन टेनिस स्पर्धेत विक्रमी १५व्यांदा उपांत्यपूर्व फेरीत धडक

बासेल : १९ ग्रँडस्लॅम विजेतेपद पटकावलेल्या स्टार टेनिसपटू रॉजर फेडररने स्विस ओपन टेनिस स्पर्धेत विक्रमी १५व्यांदा उपांत्यपूर्व फेरीत धडक मारली. फ्रान्सच्या बेनोइट पियरे याचा सरळ दोन सेटमध्ये धुव्वा उडवत फेडररने दिमाखात आगेकूच केली.
जागतिक क्रमवारीत दुसºया स्थानी असलेल्या फेडररने तुफानी खेळाचे प्रदर्शन करताना केवळ ५७ मिनिटांमध्ये विजय मिळवताना पियरेचा ६-१, ६-३ असा धुव्वा उडवला. पियरेविरुद्ध फेडररने पाचव्यांदा बाजी मारली असून फेडररच्या झंझावातापुढे पियरेचा निभाव लागला नाही. पुढील फेरीत फेडररपुढे फ्रान्सच्याच सातव्या मानांकीत अ‍ॅड्रीयन मॅनारिओचे कडवे आव्हान असेल. अ‍ॅड्रीयनने डेनिस शापोवालोव याचा पिछाडीवरुन ४-६, ६-१, ६-२ असा पराभव करुन आगेकूच केली. (वृत्तसंस्था)