टेनिस स्टार सबालेंकाच्या बॉयफ्रेंडची आत्महत्या; सुरुवातीला घातपाताचा संशय

अरीना सबालेंका हिच्या बॉयफ्रेंडच्या मृत्यूने खळबळ उडाली होती. या मागे घातपात असल्याचा संशय व्यक्त करण्यात येत होता.

२५ वर्षीय टेनिस स्टार अरीना सबालेंका हिच्या बॉयफ्रेंडच्या मृत्यूने खळबळ उडाली होती. या मागे घातपात असल्याचा संशय व्यक्त करण्यात येत होता. आता मियामी पोलिसांनी कॉन्स्टेंटिन कोल्तसोव याच्या मृत्यूचे कारण स्पष्ट केले आहे. कोल्तसोव याला कोणी ढकलले नाही तर त्याने आत्महत्या केल्याचे पोलिसांनी म्हटले आहे. 

सोमवारी रात्री साडेबारा वाजता सेंट रेजिस बाल हार्बर रिसॉर्टमध्ये कोल्तसोवने बाल्कनीतून उडी मारून आत्महत्या केली होती. मियामी पोलिसांनी हा कट नसल्याचे स्पष्ट केले आहे. कोल्त्सोव्ह बेलारूस संघाचा माजी आइस हॉकी खेळाडू आहे. त्याने १८ वर्षे हा खेळ खेळला आहे. 

दोन वेळची ग्रँडस्लॅम चॅम्पियन बेलारूसची सबालेन्का या आठवड्याच्या शेवटी मियामी ओपनमध्ये खेळणार आहे. परंतु आता प्रिय व्यक्तीच्या मृत्यूमुळे ती खेळू शकेल की नाही हे अस्पष्ट आहे. कोल्त्सोव्ह आणि सबालेन्का यांच्यातील प्रेमसंबंध कसे सुरु झाले याची माहिती मिळू शकलेली नाहीय. परंतु हे दोघे २०२१ पासून एकत्र आहेत. जूनमध्ये त्यांनी त्यांचे नाते सार्वजनिक केले होते. कोल्त्सोव्ह सबलेन्कापेक्षा 17 वर्षांनी मोठा होता.