WIMBLDON 2018 : नोव्हाक जोकोव्हिच उपांत्य फेरीत दाखल

बाराव्या मानांकित जोकोव्हिचने उपांत्यपूर्व फेरीच्या लढतीत जपानच्या केई निशिकोरीवर 6-3, 3-6, 6-2, 6-2 असा विजय मिळवला. 

लंडन : नोव्हाक जोकोव्हिचने विम्बल्डन टेनिस स्पर्धेच्या उपांत्य फेरीत प्रवेश केला आहे. बाराव्या मानांकित जोकोव्हिचने उपांत्यपूर्व फेरीच्या लढतीत जपानच्या केई निशिकोरीवर 6-3, 3-6, 6-2, 6-2 असा विजय मिळवला. 

उपांत्य फेरीत पोहोचल्यावर जोकोव्हिचचा आनंद य़ा व्हिडीओमध्ये पाहा

“It feels great to be in the last four. I feel like I’m peaking at the right moment”

Could this be @DjokerNole's year?#Wimbledonpic.twitter.com/COAnqhaOg7

— Wimbledon (@Wimbledon) July 11, 2018

 

जोकोव्हिचने पहिला सेट 6-3 असा सहज जिंकला. त्यावेळी जोकोव्हिच हा सामना सरळ सेट्मध्ये दिसेल, असे वाटले होते. पण निशिकोरीने दुसऱ्या सेटमध्ये जोरदार पुनागमन केले. दुसऱ्या सेटमध्ये त्याने जोकोव्हिचला 6-3 असे पराभूत करत सामन्यात 1-1 अशी बरोबरी केली. यानंतर तिसरा सेट चांगलाच रंगतदार होईल, अशी चाहत्यांना अपेक्षा होती. पण जोकोव्हिचने निशिकोरीला तिसऱ्या सेटमध्ये जास्त संधी दिली नाही. तिसरा सेट जोकोव्हिचने 6-2 अशा फरकाने जिंकला आणि सामन्यात 2-1 अशी आघाडी घेतली. चौथ्या सेटमध्ये निशिकोरी पुन्हा पुनरागमन करणार की जोकोव्हिच हा सेट जिंकून सामना खिशात टाकणार, अशा चर्चांना उत आला होता. पण जोकोव्हिचने या सेटमध्येही 6-2 असा विजय मिळवला आणि उपांत्य फेरीत दिमाखात प्रवेश केला.

तिसरा सेट जिंकल्यावर जोकोव्हिचने असा आनंद साजरा केला

What it means to be one set away from a first #Wimbledon semi-final since 2015...@DjokerNole wins the third set 6-2 against Kei Nishikori to lead 2-1 pic.twitter.com/GQWgI091Is

— Wimbledon (@Wimbledon) July 11, 2018