Wimbledon 2018 : नदालविरुद्धच्या उपांत्य लढतीत जोकोव्हिकला आघाडी

विम्बल्डनच्या पुरुष एकेरीमध्ये नोव्हाक जोकोव्हिक आणि राफेल नदाल यांच्यातील लढतीमध्ये जोकोव्हिकने आघाडी घेतली आहे.

 लंडन - विम्बल्डनच्या पुरुष एकेरीमध्ये नोव्हाक जोकोव्हिक आणि राफेल नदाल यांच्यातील लढतीमध्ये जोकोव्हिकने आघाडी घेतली आहे. स्थानिक वेळेनुसार रात्री 11 वाजता जोकोव्हिक आणि नदाल यांच्यातील लढत थांबवण्यात आली तेव्हा जोकोव्हिक 6-4, 3-6, 7-6(9) अशा फरकाने आघाडीवर होता.   

Tennis of the highest quality.

After saving three set points, @DjokerNole is now a set away from the #Wimbledon final after winning the third 7-6(9) against Rafael Nadal pic.twitter.com/ufcbvmKniP

— Wimbledon (@Wimbledon) July 13, 2018

 केव्हिन अँडरसन आणि जॉन इस्नर यांच्यातील मॅरेथॉन लढतीमुळे लांबलेली नोव्हाक जोकोव्हिक आणि राफेल नदाल यांच्यातील उपांत्य लढतीतही रोमांचक खेळ झाला. या लढतीत नोव्हाक जोकोव्हिकने दमदार सुरुवात करताना पहिल्या सेटमध्ये नदालवर वर्चस्व राखले. त्याने या सेटमध्ये 6-4 अशी बाजी मारत सामन्यात आघाडी घेतली. मात्र राफेल नदालने लढतीत जोरदार मुसंडी मारताना दुसऱ्या सेटमध्ये जोकोव्हिकवर जोरदार पलटवार केला. नादलने दुसरा सेट 6-3 असा जिंकत बरोबरी साधली. 

Nadal. Is. Hyped. @RafaelNadal draws the scores level under the lights on Centre Court, winning the second set 6-3#Wimbledonpic.twitter.com/2cOF6hc1Bn

— Wimbledon (@Wimbledon) July 13, 2018

अटीतटीच्या झालेल्या पहिल्या दोन सेटनंतर तिसरा सेटही तितताच उत्कंठावर्धत झाला. टायब्रेकरपर्यंत चाललेल्या या सेटमध्ये नोव्हाक जोकोव्हिकने  7-6(9) असा विजय मिळवून लढतीत आघाडी घेतली. अखेर स्थानिक वेळेनुसार रात्री 11 वाजता खेळ थांबवण्यात आला तेव्हा जोकोव्हिक 6-4, 3-6, 7-6(9) अशा फरकाने आघाडीवर होता. आता हा सामना शनिवारी दुपारी स्थानिक वेळेनुसार 1 वाजता खेळवण्यात येईल. 

The men's singles semi-final between Rafael Nadal and Novak Djokovic will resume at 1pm tomorrow on Centre Court under the roof#Wimbledonpic.twitter.com/FaorKt010q

— Wimbledon (@Wimbledon) July 13, 2018