Wimbledon 2018 : फेडररच्या या हळुवार फटक्याने केले प्रतिस्पर्ध्याला नामोहरम, पाहा हा व्हीडीओ

फेडररने आपल्या दमदार खेळाच्या जोरावर विम्बल्डनमध्ये विजयी घोडदौड सुरु केली आहे. पण सध्याच्या त्याच्या एका हळुवार फटक्याची चर्चा चांगलीच रंगताना दिसत आहे.

ठळक मुद्देहळुवार फटक्याच्या जोरावर फेडररने अनेकांची मने जिंकली आहेत. त्या फटक्याचा पाहा हा व्हीडीओ.

लंडन : दुखापती आणि वाईट फॉर्म या दोन्ही गोष्टी मागे सारत स्वित्झर्लंडचा महान टेनिसपटू रॉजर फेडररचा खेळ विम्बल्डनमध्ये चांगलाच बहरतो आहे. फेडररने आपल्या दमदार खेळाच्या जोरावर विम्बल्डनमध्ये विजयी घोडदौड सुरु केली आहे. पण सध्याच्या त्याच्या एका हळुवार फटक्याची चर्चा चांगलीच रंगताना दिसत आहे. या हळुवार फटक्याच्या जोरावर फेडररने अनेकांची मने जिंकली आहेत. त्या फटक्याचा पाहा हा व्हीडीओ.

Even by @rogerfederer's standards, this drop shot was one of his finest 👏#Wimbledonpic.twitter.com/KtCYN0yxxI

— Wimbledon (@Wimbledon) July 4, 2018

टेनिस म्हणजे फक्त जोरकस फटक्यांचा खेळ नाही, हे फेडररने आपल्या ' ड्रॉप ' च्या फटक्याने दाखवून दिले आहे. विम्बल्डनच्या दुसऱ्या फेरीत फेडररने लुकास लाकोला ६-४, ६-४, ६-१ असे सहज पराभूत केले. या सामन्याच्या दुसऱ्या सेटमध्ये फेडररचा हा नेत्रदीपक फटका पाहायला मिळाला.

या सामन्याच्या दुसऱ्या सेटमध्ये दोघांची १-१ अशी बरोबरी होती. तिसऱ्या गेममध्ये लाकोने ४०-१५ अशी आघाडीही घेतली होती. लोको सर्व्हिस करत होता. त्यावेळी काही वेळ दोघांमध्ये चांगली रॅली पाहायला मिळाली. पण त्यानंतर फेडररने एक ' ड्रॉप 'चा फटका मारला आणि गुण मिळवला. या ' ड्रॉप ' चे कौतुक सध्या टेनिस विश्वात सुरु आहे.